ព័ត៌មានជាតិ

ហ៊ីយ៉ាន់ដាយដឹងធ្ងន់ពេក បែកកង់ក្រោយក្រឡាប់ផ្ងារជើង បង្កការភ្ញាក់ផ្អើល!

តាកែវ: លោកអធិការង អធិការដ្ឋាននគរបាលចររាចរណ៍ស្រុកទ្រាំងបានប្រាប់ Post News ថា មានករណីគ្រោះថ្នាក់ចររាចណ៍មួយបានកើតឡើង ដោយសាររថយន្តហ៊ីយ៉ាន់ដាយមួយគ្រឿងបានបែកកង់ ហើយបណ្តាលឲ្យរថយន្តក្រឡាប់តែម្តង។

ហេតុការណ៍នេះបានកើតឡើងនៅវេលាម៉ោង១រំលងអធ្រាត នៅថ្ងៃទី១៣ ខែកក្កដា ឆ្នាំ២០១៧ ត្រង់ចំណុចគីឡូម៉ែត្រលេខ៩៣និង៩៤ ស្ថិតនៅភូមិប្រាំបីមុំ ឃុំប្រាំបីមុំ ស្រុកទ្រាំង ខេត្តតាកែវ។

ប្រភពព័ត៌មានបានឲ្យដឹងថា មុនពេលកើតហេតុ មានរថយន្តហ៊ីយ៉ាន់ដាយ ពណ៌ស មួយគ្រឿង ពាក់ស្លាកលេខ ភ្នំពេញ ក-7972 បើកបរដោយឈ្មោះ ង៉ាន សីហា ភេទប្រុស អាយុ២៦ឆ្នាំ មុខរបរអ្នកបើកបររថយន្ត រស់នៅភូមិប្រឡាយ ឃុំបឹងខ្នាង ស្រុកកណ្តាលស្ទឹង ខេត្តកណ្តាល។ បានបើកបររថយន្តក្នុងទិសខាងជើងទៅត្បូង ដោយដឹកស្រូវចំនួន១១តោន លុះមកដល់ចំណុចកើតហេតុ រថយន្តក៏បានបែកកង់ខាងក្រោយផ្នែកខាងស្ដាំ ធ្វើឲ្យរថយន្តក្រឡាប់ធ្លាក់ពីលើផ្លូវដោយខ្លួនឯង តែពុំមានគ្រោះថ្នាក់ដល់អ្នកបើកបរ ឬបង្កគ្រោះថ្នាក់ដល់អ្នកដទៃឡើយ។

ក្រោយពេលកើតហេតុ ម្ចាស់រថយន្តបានទៅរករថយន្តស្ទូចមកស្ទួចយករថយន្តក្រឡាប់នោះដើម្បីយកទៅជួសជុលបន្ត៕

មតិយោបល់