កំពង់ចាមៈ ជនសង្ស័យ២នាក់ ត្រូវបានលោក គឹម លុយ ចៅក្រមស៊ើបសួរនៃសាលាដំបូងខេត្តកំពង់ចាម បានចេញដីកាបង្គាប់ឲ្យឃុំខ្លួនលេខ៤៣៧និង៤៣៨ ចុះថ្ងៃទី១៧ ខែកក្កដា ឆ្នាំ២០១៧ សម្រេចឃុំខ្លួនជនជាប់ចោទចំនួន២នាក់ ពីបទ«លួច» ដែលប្រព្រឹត្តកាលពីថ្ងៃទី១០ ខែកក្កដា ឆ្នាំ២០១៧ នៅភូមិក្តីថ្ករ ឃុំប្រាំយ៉ាម ស្រុកស្រីសន្ធរ ខេត្តកំពង់ចាម ។

គួររំលឹកថា កាលពីថ្ងៃទី១៤ ខែកក្កដា ឆ្នាំ២០១៧ កម្លាំងអធិការដ្ឋាននគរបាលស្រុកស្រីសន្ធរ បានបង្ក្រាបករណី លួចម៉ូតូបានធ្វើការឃាត់ខ្លួនជនសង្ស័យ២នាក់ ទី១ឈ្មោះ ណយ ចិត្ត ភេទប្រុស អាយុ២៤ឆ្នាំ មុខរបរ កសិករ ស្នាក់នៅភូមិក្តីថ្ករ ឃុំប្រាំយ៉ាម ស្រុកស្រីសន្ធរ និងទី២ឈ្មោះ ក្លុយ ឡឹង ភេទប្រុស អាយុ២៤ឆ្នាំ មុខរបរ កម្មករ ស្នាក់នៅភូមិក្តីថ្ករ ឃុំប្រាំយ៉ាម ស្រុកស្រីសន្ធរ ខេត្តកំពង់ចាម។

បច្ចុប្បន្នជនជាប់ចោទទាំង២នាក់ ត្រូវបានសមត្ថកិច្ចបញ្ជូនទៅឃុំខ្លួននៅពន្ធនាគារខេត្តកំពង់ចាម៕