ព្រៃវែងៈ ហេតុការណ៍ដ៏រន្ធត់មួយបានកើតឡើង បន្ទាប់ពីបុរសម្នាក់ ឡើងតខ្សែភ្លើងនៅលើផ្ទះមកក្រោមផ្ទះសាកអាគុយ ក៏ត្រូវបានឆ្លងចរន្តឆក់ បណ្តាលឲ្យស្លាប់យ៉ាងអាណោចអាធ័ម។

ហេតុការណ៍កើតឡើងនៅវេលាម៉ោង ៥ និង៣០នាទីព្រឹក ថ្ងៃទី២១ ខែកក្កដា ឆ្នាំ២០១៧ នៅចំណុចភូមិ ព្រៃសុធន់ ឃុំព្រៃខ្លា ស្រុកស្វាយអន្ទរ ខេត្តព្រៃវែង។

សមត្ថកិច្ចបានឲ្យដឹងថា បុរសស្លាប់ខាងលើមានឈ្មោះ ស៊ីត សេង ភេទប្រុស អាយុ៣៣ឆ្នាំ មុខរបរជាងជួសជុលរថយន្ត ស្នាក់នៅភូមិឃុំកើតហេតុ មានស្រុកកំណើតនៅភូមិមានជ័យ ឃុំចុងអំពិល ស្រុកកញ្ច្រៀច ។

ក្រោយពេលកើតហេតុ សមត្ថកិច្ចបានចុះមកដល់កន្លែងកើតហេតុ ធ្វើកំណត់ហេតុ សាកសពត្រូវបានសាច់ញាតិយកទៅស្រុកធ្វើបុណ្យតាមប្រពៃណី៕