បាត់ដំបងៈ ជនសង្ស័យជាស្ត្រីម្នាក់ ត្រូវបានកម្លាំងនគរបាលស្រុករតនមណ្ឌល ធ្វើការឃាត់ខ្លួន ក្រោយពីរកឃើញថា មានការជាប់ពាក់ពន្ធ័នឹងករណីរក្សាទុក និងជួញដូរគ្រឿងញៀនខុសច្បាប់។

ការឃាត់ខ្លួននេះបានធ្វើឡើងកាលពីវេលាម៉ោង១២យប់ ឈានចូលថ្ងៃទី២១ ខែកក្កដា ឆ្នាំ២០១៧ ស្ថិតនៅចំណុចភូមិអណ្ដើក១១ ឃុំរស្មីសង្ហា ស្រុករតនមណ្ឌល ខេត្តបាត់ដំបង។

សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនខាងលើនេះ មានឈ្មោះ ទូច សាវឿន ភេទស្រី អាយុ៣១ឆ្នាំ ស្នាក់នៅចំណុចខាងលើ ក្នុងនោះសមត្ថកិច្ចដកហូតបាន ថ្នាំញៀនម៉ាទឹកកកចំនួន១៦ថង់តូចផងដែរ ហើយបច្ចុប្បន្នជនសង្ស័យខាងលើ ត្រូវបានសមត្ថកិច្ចកសាងសំណុំរឿងបញ្ជូនខ្លួនទៅកាន់សាលាដំបូងខេត្តចាត់ការតាមនិតិវិធីច្បាប់៕