ព័ត៌មានជាតិ

បើកគោយន្ដកន្ដ្រៃក្រឡាប់ ចូលឡាយឈើសង្កត់ស្លាប់២នាក់ នៅស្រុកប្រាសាទបាគង

សៀមរាប​៖​​ ជន​រងគ្រោះ​ចំនួន​២​នាក់​​ បាន​ស្លាប់​ភ្លាម​ៗ​ នឹង​កន្លែង​កើតហេតុ​ ខណ:​បើក​គោយន្ត​កន្ត្រៃ​ដឹកឈើ​ក្រឡាប់​ធ្លាក់​ចូល​ប្រឡាយ​​ ​ដោយខ្លួនឯង​ ឈើ​សង្កត់​ពី​លើ​ បណ្ដាល​ឲ្យ​ស្លាប់​បាត់​បង់ជីវិត​​តែម្ដង​។

ករណី​បង្ក​ដោយខ្លួនឯង​នេះ ​កើតឡើង​នៅ​វេលា​ម៉ោង​៥​ទាប​ភ្លឺ​ថ្ងៃទី​០៧​ខែមេសា ​ឆ្នាំ​២០១៦​ក្នុងភូមិ​ស្រិត​ឃុំ​កន្ទ្រាំ​ង​ ស្រុក​ប្រាសាទបាគង​ ខេត្តសៀមរាប​។ នគរបាល​ចរាចរ​ស្រុក​ប្រាសាទបាគង​ បាន​ឲ្យ​ដឹង​ថា​ ជន​រងគ្រោះ​ទាំង​២​នាក់ ​បើក​គោយន្ត​កន្ត្រៃ​ដឹក​ឈើ​ពេញ​ប្រៀប​ហើយ​មកដល់​ចំណុច​កើតហេតុ​ស្រាប់​តែ​ធ្លាក់​ប្រឡាយ​ក្រឡាប់​ ហើយ​ឈើ​សង្កត់​ពី​បណ្តាល​ឲ្យ​ស្លាប់​នៅ​នឹងកន្លែង​តែម្តង​។​

ប្រភព បាន​បន្ដទៀត​ថា​ ជនរងគ្រោះ​ទាំង​២​នាក់ ទី​១. ​ឈ្មោះ​ ស៊ូ សុន​អាយុ​១៩​ឆ្នាំ ​ទី​២. ​ឈ្មោះ​ រ៉ូ រើ​ន អាយុ​៣៧​ឆ្នាំ ​អ្នក​ទាំង​២​នាក់ មាន​ ទីលំនៅ​ក្នុងភូមិ ជប់​លើ ឃុំ ​ស្វាយ​លើ​ ស្រុក ស្វាយ​លើ ខេត្ត​សៀមរាប​។ លោក​បញ្ជាក់ថា​៖​ តាម​ការសន្និដ្ឋាន​ករ​ណី​នេះ​អាច​បណ្ដាលមកពី​អ្នកបើកបរ​មាន​អក្កា​រះ​ងងុយដេក ទើប​មាន ហេតុការណ៍ នេះ​កើតឡើង​។​ក្រោយពី​ធ្វើការ វាស់វែង រួច​សាកសព​ត្រូវបាន​ប្រគល់​ទៅ​ឲ្យ​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី​។​ដោយឡែក​គោយន្ត​ត្រូវបាន​នាំយកទៅ​រក្សាទុក​នៅ​អធិការដ្ឋាន​នគរបាល​ស្រុក​ប្រាសាទបាគង​ចំណែក​ឈើ​ប្រគល់​ឲ្យ​ទៅ​ជំនាញ​រដ្ឋបាល​ព្រៃឈើ​ចាត់ការ​បន្ត​។

ប្រភព​បាន ​ទម្លាយ​ថា ​ករណីនេះ​ គេ​ឃើ​ញ​មាន​រថយន្ត​មួយ​គ្រឿង​បើក​តាម​ពី​ក្រោយ ​សង្ស័យ​ក្រុម​កុង​ត្រូល​ជជុះ​ ហើយ ​បន្ទា​ប់​ពី​ឃើញ​ហេតុការណ៍​កើតឡើង​រួចមក​ពួកគេ​បាន​បើកឡាន​រត់​គេចខ្លួន​បាត់អស់​​។ ប្រភព​ដដែល​ បន្តថា​ សព្វថ្ងៃនេះ​ មាន​កុងត្រូល​ជាច្រើន​កន្លែង​បាន​បណ្តាក់​គ្នា​ដូច​ខ្យង​ចាប់​ពី​ស្រុក​ស្វាយ​លើ​,​ស្រុក​សូទ្រនិគម​,​ស្រុក​ប្រាសាទបាគង​ និង​ក្រុង​សៀមរាប ​ដោយ​មិន​មាន​ការ​រំខាន​ពី​អាជ្ញាធរខេត្ត​ទេសចរណ៍​មួយ​នេះ​សោះឡើយ​៕

FB_IMG_1459990202375 FB_IMG_1459990205871 FB_IMG_1459990209259 FB_IMG_1459990212757 FB_IMG_1459990220158 FB_IMG_1459990227605

មតិយោបល់