Post News Media ព័ត៌មានជាតិ ភ្លើងប្រច័ណ្ឌ...

ភ្លើងប្រច័ណ្ឌ ប្រពន្ធចាក់សាំងដុតប្តីទាំងរស់

បាត់ដំបង: ដោយសារតែអំណាចនៃកំហឹងភ្លើងប្រច័ណ្ឌ វាបានធ្វើឱ្យស្ត្រីម្នាក់ដាច់ចិត្តយកសាំងចាក់ស្រោចដុតប្តីទាំងរស់ ព្រោះតែប្តីកំហូចលួចមានស្នេហារជាមួយស្រីក្មេង ប៉ុន្តែ មិន​បណ្ដាល​ឲ្យ​ស្លាប់​បាត់បង់​ជីវិត​នោះ​ទេ គ្រាន់តែ​រង​របួស​ធ្ងន់ធ្ងរ​ប៉ុណ្ណោះ។ ហេតុការណ៍​នេះ​កើតឡើង​កាលពី​ថ្ងៃ​ទី​២៦ ខែឧសភា ឆ្នាំ​២០១៦ នៅ​ភូមិ​ព្រៃធំ ឃុំ​ឃ្លាំង​មាស ស្រុក​បរវេ​ស ខេត្តបាត់ដំបង។

​​សមត្ថកិច្ច​បាន​ឲ្យ​ដឹង​ថា ស្ត្រី​ជា​ប្រពន្ធ​ឈ្មោះ ផ​ន សុ​ភី អាយុ​៣៦​ឆ្នាំ ចំណែក​ប្តី​ឈ្មោះ ថា​ន់ ស្រន់ អាយុ​៥៥​ឆ្នាំ បាន​រង​របួស​រលាក​ខ្លួនប្រាណ​យ៉ាងធ្ងន់ធ្ងរ។

សមត្ថកិច្ច​បញ្ជាក់​ថា ដើមហេតុ​ដែល​ធ្វើ​ឲ្យ​ប្រពន្ធ​ខឹង​ប្តី​រហូត​ដាច់​ចិត្ត​ចាក់​សាំង​ដុត​ប្តី​ទាំងរ​ស់បែ​បន​គឺ​បណ្ដាល​មក​ពី​ភ្លើង​ប្រច័ណ្ឌ ដោយ​ចោទ​ថា ប្តី​មាន​ស្រី​ក្មេង មិន​ដែល​យក​លុយ​ឲ្យ​ប្រពន្ធ​កូន​ទេ​មួយ​រយ:​ចុង​ក្រោយ​នេះ។ តែ​ដោយ​គ្មាន​ពាក្យបណ្ដឹង​ពី​ប្តី​រង​គ្រោះ សមត្ថកិច្ច​គ្រាន់តែ​ហៅ​ស្ត្រី​ជា​ប្រពន្ធ​មក​ធ្វើការ​អប់រំ និង​ធ្វើ​កិច្ចសន្យា ហើយ​ក៏​ឲ្យ​ត្រឡប់​ទៅ​ផ្ទះ​វិញប៉ុណ្ណោះ៕

photo_2016-05-27_12-18-44