កណ្តាលៈ ករណីគ្រោះថ្នាក់ចរាចរណ៍បង្កឡើងរវាងរថយន្តដឹកទំនិញធុនធំនិងម៉ូតូម៉ាកសេ១២៥ បណ្តាលឲ្យបុរសម្នាក់ស្លាប់នៅកន្លែងកើតហេតុ

ហេតុការណ៍កើតឡើងនៅវេលាម៉ោង៦ល្ងាច ថ្ងៃទី២៨ ខែកក្កដា ឆ្នាំ២០១៧ នៅលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ៣៣-៣៤ ស្ថិតក្នុងភូមិពោធិតូច ឃុំកំពង់ហ្លួង ស្រុកពញាឮ ខេត្តកណ្ដាល។

មុនពេលកើតហេតុ គេឃើញមានរថយន្ត១គ្រឿងម៉ាកHyundai ពណ៌ស ពាក់ស្លាកលេខ កំពត3A-0309 បើកបរក្នុងទិសដៅពីជើងទៅត្បូង(អ្នកបើកបរគេចខ្លួន)លុះមកដល់កន្លែងកើតហេតុចំណុចកណ្តាលទ្រូងថ្នល់ក៏បុកជាមួយម៉ូតូម៉ាកហុងដា សេ១២៥ ពណ៌ខ្មៅ ពាក់ស្លាកលេខ ភ្នំពេញ1AI-1480 ដែលកំពង់បើកបរក្នុងទិសដៅពីត្បូងទៅជើងដោយឈ្មោះ នឿន សុភឿន ភេទប្រុស អាយុ៣៧ឆ្នាំ ទីលំនៅភូមិ ធ្លកវៀន ឃុំធ្លកវៀន ស្រុកសាមគ្គីមានជ័យ ខេត្តកំពង់ឆ្នាំង(ស្លាប់នៅកន្លែងកើតហេតុ)។

ករណីនេះបណ្តាលមកពីអ្នកបើកបរមធ្យោបាយទាំង២គ្រឿង មានការធ្វេសប្រហែសខ្វះការប្រុងប្រយត្ន័ បុកចំកណ្តាលទ្រូងថ្នល់៕