កណ្តាលៈ គ្រោះថ្នាក់ចរាចរណ៍មួយបានកើតឡើង ដោយមានរថយន្តធន់ធំមួយគ្រឿងបើកមិនប្រយ័ត្នទៅបុកជាមួយនឹងម៉ូតូសង់ពេញទំហឹង បណ្តាលឲ្យបុរសម្នាក់ស្លាប់មួយរំពេច។

ហេតុការណ៍នេះបានកើតឡើងកាលពីវេលាម៉ោង៦ល្ងាចថ្ងៃទី២៨ ខែកក្កដា ឆ្នាំ២០១៧ ស្ថិតនៅលើកំណាត់ផ្លូវជាតិលេខ៥ គីឡូម៉ែត្រលេខ៣៣-៣៤ ភូមិពោធិ៍តូច ឃុំកំពង់ហ្លួង ស្រុកពញាឮ ខេត្តកណ្ដាល។

មុនពេលកើតហេតុ គេឃើញមានរថយន្តមួយគ្រឿងម៉ាកហ៊ីយ៉ាន់ដាយ ពណ៌ស ពាក់ស្លាកលេខ កំពត 3A-0309 បើកបរក្នុងទិសដៅពីជើងទៅត្បូង លុះមកដល់កន្លែងកើតហេតុចំណុចកណ្តាលទ្រូងថ្នល់ ក៏បុកជាមួយម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខ ភ្នំពេញ 1AI-1480 ដែលកំពុងបើកបរក្នុងទិសដៅពីត្បូងទៅជើងដោយឈ្មោះ នឿន សុភឿន ភេទប្រុស អាយុ៣៧ឆ្នាំ ទីលំនៅភូមិ ធ្លកវៀន ឃុំធ្លកវៀន ស្រុកសាមគ្គីមានជ័យ ខេត្តកំពង់ឆ្នាំង ពេញទំហឹងបណ្តាលឲ្យស្លាប់នៅកន្លែងកើតហេតុ។

បើតាមការសន្និដ្ឋានពីសមត្ថកិច្ច ករណីនេះបណ្តាលមកពីអ្នកបើកបរមធ្យោបាយទាំង២ គ្រឿង មានការធ្វេសប្រហែសខ្វះការប្រុងប្រយ័ត្នព្រោះ បុកចំកណ្តាលទ្រូងថ្នល់៕