ភ្នំពេញៈ បុរសម្នាក់ បើករថយន្ត រេចង្កូតជ្រុលទៅបុកខឿនទ្រូងផ្លូវរួចបន្តទៅបុកនឹងបង្គោលភ្លើងបន្ថែមទៀត បណ្ដាលឲ្យរងការខូចខាតរថយន្តយ៉ាងដំណំ សំណាងគ្មានអ្នករងរបួស។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១១យប់ ថ្ងៃទី៣១ ខែកក្កដា ឆ្នាំ២០១៧ ស្ថិតនៅតាមបណ្ដោយផ្លូវវេងស្រេង ក្បែរផ្សារកាណាឌីយ៉ា ក្នុងភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ។
យោងតាមប្រភពព័ត៌មានពីប្រជាពលរដ្ឋដែលឃើញហេតុការណ៍ខាងលើបានឲ្យដឹងថា មុនពេលកើតហេតុ គេបានឃើញមានរថយន្តបង្កម៉ាកតូយ៉ូតា កាមរីឆ្លាម ពណ៌ត្រីឆ្លួញ ពាក់ស្លាកលេខ សៀមរាប 2A-4559 ដែលបើកបរដោយបុរស ម្នាក់ស្រវឹងជោក ធ្វើដំណើតាមបណ្ដោយផ្លូវវេងស្រេង ទិសដៅពីកើតទៅលិចក្នុងល្បឿនលឿន ខណៈមកដល់ចំណុចកើតហេតុ ស្រាប់តែបួងចង្កូតទៅបុកនឹងខឿនចែកទ្រូងផ្លូវ រួចផ្លោងទៅបុកបង្គោលភ្លើងបន្ថែមទៀត បណ្ដាលឲ្យរថយន្តបង្កដាច់កាឡែកង់មុខផ្នែកខាងឆ្វេង ខ្ទេចទៅមុខលែងរួចតែម្តង បង្កឲ្យខូចខាតខឿនទ្រូងផ្លូវនិងបង្គោលភ្លើង។
ក្រោយកើតហេតុ សមត្ថកិច្ចនគរបាលមូលដ្ឋាន បានចុះមកដល់កន្លែងកើតហេតុដើម្បីធ្វើការពិនិត្យនិងវាស់វែង និងបានឃាត់ខ្លួនអ្នកបើករថយន្តបង្ករួមនិងរថយន្ត យកទៅកាន់ប៉ុស្ដិ៍នគរបាលរដ្ឋបាលចោមចៅ ដើម្បីរង់ចាំដោះស្រាយតាមនីតិវិធីច្បាប់បន្តទៀត៕
មតិយោបល់