ភ្នំពេញៈ ជនសង្ស័យម្នាក់ ត្រូវបានសមត្ថកិច្ចនគរបាលផ្នែកប្រឆាំងគ្រឿងញៀនសហការជាមួយប៉ុស្តីបឹងកក់ទី២ ប្រតិបត្តិការបង្ក្រាបនិងឃាត់ខ្លួនបាន ដោយធ្វើការដកហូតថ្នាំញៀនដល់ទៅ៤២កញ្ចប់ឯណោះ។
ការឃាត់ខ្លួននេះធ្វើឡើងកាលពីវេលាម៉ោង៨និង៣០នាទីយប់ ថ្ងៃទី៣១ ខែកក្កដា ឆ្នាំ២០១៧ ស្ថិតនៅចំណុចប្លុករោងចក្រឆ្នាំង ក្រុមទី១០៨ ភូមិ២៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។
ជនសង្ស័យដែលឃាត់ខ្លួនបានខាងលើនេះមានឈ្មោះ បាន សុខគឿន ភេទប្រុស អាយុ១៦ឆ្នាំ មុខរបរពុំពិតប្រាកដ ស្នាក់នៅមិនពិតប្រាដក មានស្រុកកំណើត នៅស្រុកព្រះស្ដេច ខេត្តព្រៃវែង។
ក្នុងនោះដែរ សមត្ថកិច្ចធ្វើការដកហូតបាន ក្រាមពណ៌សថ្លាចំនួន៤២កញ្ចប់តូច ( សង្ស័យជាគ្រឿងញៀន )។
បច្ចុប្បន្នជនសង្ស័យខាងលើ កំពុងត្រូវបានសមត្ថកិច្ចឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរ និងកសាងសំណុំរឿងបន្ត បញ្ជូនជនសង្ស័យទៅសាលាដំបូងរាជធានីភ្នំពេញចាត់ការតាមផ្លូវច្បាប់បន្តទៀត៕
មតិយោបល់