កណ្តាលៈ ជនសង្ស័យម្នាក់ត្រូវបានសមត្ថកិច្ចធ្វើការឃាត់ខ្លួនក្រោយត្រួតពិនិត្យរកឃើញថ្នាំញៀន៣កញ្ចប់ជាប់នឹងខ្លួន។

ហេតុការណ៍នេះកើតឡើងនៅម៉ោង៦និង៤០នាទីល្ងាចថ្ងៃទី១ ខែសីហា ឆ្នាំ២០១៧ នៅចំណុចកំពង់ទូកដររបស់ឈ្មោះ ផល្លា នៅភូមិកំពង់ពោធិ៍ ឃំុកំពង់ភ្នំ ស្រុកលើកដែក ខេត្តកណ្ដាល។

ជនសង្ស័យខាងលើមានឈ្មោះ ដា​ ឈីត ភេទប្រុស អាយុ២៣ឆ្នាំ មុខរបរមិនពិត ស្នាក់នៅភូមិកោះចំរើន ឃំុកំពង់ភ្នំ ស្រុកលើកដែក ខេត្តកណ្ដាល។

ក្នុងនោះសមត្ថកិច្ចដកហូតវត្ថុតាង ក្រាមពណ៏សថ្លា(សង្ស័យសារធាតុញៀនម៉ាទឹកកក)ចំនួន០៣​កញ្ចប់តូច,សំបកថង់ទទេចំនួន០១,ទូរសព្ទដៃម៉ាក់NCKIA ពណ៌ខៀវខ្មៅ ចំនួន១គ្រឿង(ចាស់),លុយខ្មែរចំនួន១០០រៀល(មួយរយរៀល),ម៉ូតូម៉ាក់វីវ៉ាពណ៌ខ្មៅគ្មានស្លាកលេខចំនួន១គ្រឿង(ចាស់)។

មុនកើតហេតុ កម្លាំងជំនាញ សហការជាមួយប៉ុស្ដិ៍រដ្ឋបាលកំពង់ភ្នំនិងប៉ុស្ដិ៍ព្រែកទន្លាប់បានឃ្លាំចាំមើល​ ជនសង្ស័យនៅចំណុចកើតហេតុខាងលើក៏បានប្រទះឃើញជនសង្ស័យ ជិះម៉ូតូឡើងពីទូកដរមកពីកោះចំរើន ពេលនោះកម្លាំង​យើងបានស្ទាក់ហៅឈប់រួចធ្វើការឆែកឆេរក៏បានប្រទះឃើញថ្នាំញៀនចំនួន៣កញ្ចប់តូចដែលជនសង្ស័យទម្លាក់ចោលទៅលើដីពីក្រោយម៉ូតូចម្ងាយប្រហែល១ម៉ែត្រភ្លាមនោះសមត្ថកិច្ចយើងក៏បានធ្វើការចាប់វត្ថុតាង និងនាំជនសង្ស័យមកកាន់ផ្នែកជំនាញនៃអធិការដ្ឋាន នគរបាលស្រុកដើម្បីបន្តចាត់ការកសាងសំណំុរឿងតាមនីតិវិធីច្បាប់តែម្តង៕