ភ្នំពេញៈ មិនមែនជាលើកទី១នោះទេ ដែលផ្លូវលេខ២៧១ នៅចំណុចមុខពេទ្យរុស្ស៊ី​ ក្នុងសង្កាត់ទំនប់ទឹក ខណ្ឌចំការមន បានរងការកកស្ទះចរាចរណ៍ជារៀងរាល់ថ្ងៃ មិនថាពេលណានោះទេ ដែលជាហេតុធ្វើឲ្យបងប្អូនប្រជាពលរដ្ឋ អាជីវក បុគ្គលិកក្រុមហ៊ុន សិស្សានុសិស្ស កម្មករ កម្មការិនីរោងចក្រ ដែលជាអ្នកធ្វើដំណើរតាមដងផ្លូវ នាំគ្នារិះគន់ដល់កម្លាំងអាជ្ញាធរមូលដ្ឋានយ៉ាងចាស់ដៃតែម្តង ថាមិនបានយកចិត្តទុកដាក់ចំពោះការកកស្ទះចរាចរណ៍ទាំងនេះ បង្កឲ្យមានការកកស្ទះចរាចរណ៍ជារៀងរាល់ថ្ងៃ ដែលជាហេតុធ្វើឲ្យពួកគាត់មានការយឺតយ៉ាវ និងថ្នាក់ចិត្តចំពោះអាជ្ញាធរមូលដ្ឋាន។

ជាក់ស្តែងបើតាមការមើលឃើញជាក់ស្តែង ការកកស្ទះចរាចរណ៍ខាងលើនេះ គឺផ្តើមចេញពីការបើកបរមិនគោរពសិទ្ធិអាទិភាពគ្នា មានទាំងរថយន្តធុនធំ បូករួមនិងការលក់លើចិញ្ចើមផ្លូវ និងការចតគ្មានសណ្តាប់ធ្នាប់ទៀតនោះ ទើបបណ្តាលឲ្យមានការកកស្ទះបែបនេះ៕