ព្រៃវែងៈ លោកអធិការស្រុកពារាំង បានប្រាប់Post News ថា មានករណីគ្រោះថ្នាក់ចរាចរណ៍មួយបានកើតឡើងរវាងម៉ូតូមួយគ្រឿងជិះឌុបគ្នា២នាក់ប្តីប្រពន្ធ ស្រាប់តែបែកកង់ម៉ូតូខាងមុខ ជ្រុលចង្កូតម៉ូតូទៅបុកជាមួយនឹងរថយន្តគេពេញទំហឹង បណ្តាលឲ្យមនុស្ស២ទាំង២នាក់ប្តីប្រពន្ធរងរបួសធ្ងន់។

ហេតុការណ៍នេះបានកើតឡើងកាលពីវេលាម៉ោង៦និង៤៥នាទីព្រឹក ថ្ងៃទី៦ ខែសីហា ឆ្នាំ២០១៧ ស្ថិតនៅចំណុចលើផ្លូវជាតិលេខ៨ ចន្លោះគីឡូម៉ែត្រ៦១-៦២ ភូមិត្នោត ឃុំរកា ស្រុកពារាំង ខេត្តព្រៃវែង។

ករណីគ្រោះថ្នាក់ចរាចរណ៍នេះ បានកើតឡើងខណៈដែលម៉ូតូមួយគ្រឿងម៉ាក សេ១០០ ពណ៌សំបកឪឡឹក ពាក់ស្លាកលេខ ក6097 ក្រ.ច.1 បើកបរដោយឈ្មោះ ជាប ចន្ធូ ភេទប្រុស អាយុ៤៩ឆ្នាំ ស្នាក់នៅភូមិកញ្ចំ ឃុំកញ្ចំ ស្រុកពារាំង ឌុបប្រពន្ធឈ្មោះ ផេង ហន អាយុ៤៧ឆ្នាំ នៅភូមិ ឃុំជាមួយគ្នា ធ្វើដំណើរក្នុងទិសដៅពីលិចទៅកើតទៅដល់កន្លែងកើតហេតុ ស្រាប់តែម៉ូតូបែកកង់មុខ រេចង្កូតប្តូរគន្លងផ្លូវជ្រុលទៅបុកជាមួយរថយន្ត ១គ្រឿងម៉ាក សាំយ៉ុង ពណ៌ទឹកប្រាក់ ពាក់ស្លាកលេខ ភ្នំពេញ 2U-5387 បើកបរដោយម្ចាស់មិនស្គាល់អត្តសញ្ញាណ កំពុងធ្វើដំណើបញ្ច្រាសទិសគ្នា
បណ្តាលឲ្យអ្នកបើកបរម៉ូតូ​​ និងអ្នករួមដំណើររងរបួសទាំង២នាក់ប្តីប្រពន្ធតែម្តង។

ក្រោយកើតហេតុ សមត្ថកិច្ចបានធ្វើការវាស់វែងនាំយករថយន្តនិងម៉ូតូទៅរក្សាទុករង់ចាំធ្វើការដោះស្រាយគ្នាពេលក្រោយតាមផ្លូវច្បាប់បន្តទៀត៕