ឧត្តរមានជ័យ៖ ករណីគ្រោះថ្នាក់ចរាចរណ៍ រថយន្ត និងម៉ូតូ បណ្តាលឲ្យបុរសម្នាក់ស្លាប់ ក្រោយពេលបញ្ជូនទៅកាន់មន្ទីរខេត្ត។
ហេតុការណ៍នេះ បានកើតឡើងកាលពីវេលាម៉ោង៩ និង២០នាទី ថ្ងៃទី៧ ខែមេសា ឆ្នាំ២០១៦ នៅចំណុចផ្លូវជាតិលេខ៦៨ ស្ថិតនៅក្នុងភូមិថ្មី សង្កាត់កូនក្រៀល ក្រុងសំរោង ខេត្តឧត្តរមានជ័យ។
នគរបាល បានឲ្យដឹងថា ជនរងគ្រោះ មានឈ្មោះ អឹន វឿន ភេទប្រុស អាយុ ២៥ឆ្នាំ រស់នៅភូមិថ្មី សង្កាត់កូនក្រៀល ក្រុងសំរោង ខេត្តឧត្តរមានជ័យ។ អ្នកបើកបររថយន្ត ឈ្មោះ ហៀង សំណាង ភេទប្រុស អាយុ ២៧ឆ្នាំ ស្នាក់នៅភូមិអភិវឌ្ឍន៍ សង្កាត់អូរស្មាច់ ក្រុងសំរោង ខេត្តឧត្តរមានជ័យ បើករថយន្តកាមរីឆ្លាម ពណ៌ស្លែ ពាក់ស្លាកលេខភ្នំពេញ ២G.៤៥៩៣ បើកបរពីជើងទៅត្បូង។
សមត្ថកិច្ចបានបន្ដថា ករណីនេះ កម្លាំងជំនាញបានចុះទៅដល់កន្លែងកើតហេតុ ធ្វើការវាស់វែងនិងឃាត់អ្នកបើកបររថយន្តមកអធិការដ្ឋាននគរបាលក្រុង ដើម្បីដោះស្រាយគ្នាទៅតាមនីតិវិធីច្បាប់៕
មតិយោបល់