បន្ទាយមានជ័យ៖ គ្រោះថ្នាក់ចរាចរណ៍ ម៉ូតូ ២គ្រឿងបុកគ្នាពេញទំហឹង បណ្តាលឲ្យមនុស្ស ២នាក់រងរបួសធ្ងន់ និងស្រាលម្នាក់ កាលពីនៅវេលាម៉ោង ៧យប់ ថ្ងៃទី៦ ខែមេសា ឆ្នាំ២០១៦ នៅចំណុចផ្លូវលេខ 268A ស្ថិតនៅភូមិប៉ោយស្នួល ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ។
អាវុធហត្ថស្រុកភ្នំស្រុក បានឲ្យដឹងថា មុនពេលកើតហេតុ មានម៉ូតូ ១គ្រឿង ម៉ាកស្មាស់ គ្មានស្លាកលេខ បើកបញ្ច្រាសទិសគ្នា ពីត្បូងទៅជើង លុះបើកមកដល់ចំណុចកើតហេតុ ក៏បានរេចង្កូតទៅបុកនឹងម៉ូតូ ១គ្រឿងទៀត ម៉ាកឌ្រឹម C១២៥ ផលិតនៅឆ្នាំ២០១៦ ពណ៌ខ្មៅ ពាក់ស្លាកលេខ បន្ទាយមានជ័យ ១M ៩២៣១ យ៉ាងពេញទំហឹង បណ្តាលឲ្យរងរបួសធ្ងន់-ស្រាល រហូតទៅដល់ ៣នាក់ នៅនឹងកន្លែង។
អាវុធហត្ថ បន្ដទៀតថា ជនរងគ្រោះមានឈ្មោះ រ៉ង ស៊ុយ ភេទប្រុស អាយុ ៣២ឆ្ នាំរស់នៅភូមិយាង ឃុំអូបីជាន់ ស្រុកអូជ្រៅ ខេត្តបន្ទាយមានជ័យ បណ្តាលឲ្យរបួសធ្ងន់បែកក្បាលជង្គង់ខាងស្តាំ បញ្ជូនទៅមន្ទីរពេទ្យមង្គលបូរី អ្នកបើក ២នាក់ រួមដំណើរមានឈ្មោះ រ៉ន សាខន ភេទប្រុសអាយុ ៣១ឆ្នាំ រស់នៅភូមិស្វាយសរឃុំពន្លៃ ស្រុកភ្នំស្រុក ខេត្តបន្ទាយមានជ័យ រងរបួសស្រាល។ ចំណែកភាគគីម្ខាងទៀត មានឈ្មោះ ឃ្លាំង ឃ្លឿម ភេទប្រុស អាយុ ៣២ឆ្នាំ រស់នៅភូមិប៉ោយស្នួល ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ បណ្តាលឲ្យរងរបួសក្បាលខាងឆ្វេងធ្ងន់ បញ្ជូនទៅមន្ទីរស្រុកមង្គលបូរី។
បច្ចុប្បន្ន ម៉ូតូទាំង ២គ្រឿង ត្រូវបាននគរបាល យកទៅរក្សាទុកនៅប៉ុស្តិ៍ ឃុំប៉ោយចារ ដើម្បីដោះស្រាយនៅពេលក្រោយ៕
មតិយោបល់