ព័ត៌មានជាតិ

រន្ធត់! ទូកទេសចរ ប៉ះជាមួយទូកប្រជាពលរដ្ឋមកពីហូបការគេ ​រហូតមានអ្នកស្លាប់និងរបួស..

កំពង់ឆ្នាំង: លោកអធិការក្រុងកំពង់ឆ្នាំង បានប្រាប់Post News មុននេះបន្តិច ថា មានករណីគ្រោះថ្នាក់ចរាចរណ៍ផ្លូវទឹករវាងទូកទេសចរដឹកភ្ញៀវបរទេសកម្សាន្តបុកគ្នា ជាមួយទូកប្រជាពលរដ្ឋមកពីហូបការគេ ធ្វើដំណើរឆ្លងពីលិចទៅកើត បណ្តាលឲ្យស្លាប់ម្នាក់ និងរបួសធ្ងន់ស្រាល២នាក់។

ហេតុការណ៍នេះបានកើតឡើងនៅវេលាម៉ោង ៤ និង៣០នាទីល្ងាច ថ្ងៃទី១០ ខែសីហា ឆ្នាំ២០១៧ ស្ថិតនៅភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង។ ជនរងគ្រោះត្រូវបានបញ្ជូនទៅកាន់មន្ទីរពេទ្យភ្លាមៗផងដែរ។

ជនបង្កឈ្មោះ​ ហុង​ ទាវ​ ភេទប្រុស​ អាយុ៥០​ឆ្នាំ រស់នៅភូមិត្អួរលំ ​កំពង់ហៅ ស្រុកកំពង់លែង។

សមត្ថកិច្ចឃាត់ខ្លួនជនបង្កកាណូតដឹកភ្ញៀវទេសច​រ នាំមកកាន់ការិយាល័យចរាចរណ៍ផ្លូវទឹក។ ចំណែកសាកសព ត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕



មតិយោបល់