បាត់ដំបងៈ ហេតុការណ៍ភ្ញាក់ផ្អើលមួយបានកើតឡើង បន្ទាប់មានក្មេងម្នាក់បានលង់ទឹកបឹងក្សិណប្រាសាទភ្នំបាណន់ស្លាប់។
ហេតុការណ៍កើតឡើងនៅវេលាម៉ោង៤ និង២៥នាទីរសៀល ថ្ងៃទី១១ ខែសីហា ឆ្នាំ២០១៧ នៅណុចបឹងទឹកក្សិណប្រាសាទភ្នំបាណន់ ខេត្តបាត់ដំបង។

ក្មេងប្រុសដែលលង់ទឹកស្លាប់ខាងលើមានឈ្មោះ លាប ម៉េងហុង ភេទប្រុសអាយុ១៦ឆ្នាំ នៅភូមិដណ្ដូងចេញ សង្កាត់អូរចារ ក្រុងបាត់ដំបង ជាសិស្ស បានមកលេងប្រាសាទបាណន់ មានគ្នា២៣នាក់ក៏បាននាំគ្នាមកមើលប្រាសាទ លុះមកដល់ម៉ោង៣ជាងថ្ងៃខែឆ្នាំដដែល ទើបនាំគ្នាចុះមកកន្លែងប្រាសាទមកលេងទឹកវិញ។ ស្រាប់តែក្មេងរងគ្រោះបានជិះទូកលេងក្នុងទឹកបឹងកើតហេតុ ដោយមានគ្នា៤នាក់ រយៈពេលកន្លះម៉ោង ហើយក៏បកទូកមកច្រាំងកន្លែងដើមគគី លុះជិតដល់ច្រាំងមានចំងាយប្រមាណ៨ម៉ែត្រ ស្រាប់តែទូកបានក្រឡាប់លិចទឹក ជនរងគ្រោះបានធ្លាក់លិចទឹក នាក់ជិះជាមួយក៏ជួយមិនបាន ដោយនាក់ទាំង៤មិនចេះហែលទឹក។

ទឹកមានជម្រៅ២,៥០ម៉ែត្រ ហើយពេលនោះបាននាំគ្នាចុះជួយសង្គ្រោះដែរ តែរងមិនឃើញជនរងគ្រោះ លុះដល់ម៉ោងកើតហេតុ ទើបរកឃើញសពជនរងគ្រោះ តែត្រូវស្លាប់បាត់ទៅហើយ។

សាកសពជនរងគ្រោះ ត្រូវបានប្រគល់ឲ្យឈ្មោះ រ៉ូវ រតនៈនារី ភេទស្រី អាយុ៤៣ឆ្នាំ ជាម្ដាយបង្កើតជនរងគ្រោះយកទៅធ្វើបុណ្យតាមប្រពៃណី៕