ភ្នំពេញ: តាមសេចក្ដីរាយការណ៍ពីភ្នាក់ងារ Post News បានឲ្យដឹងថា មានករណីគ្រោះថ្នាក់ចរាចរណ៍មួយ បង្កទ្បើងរវាងម៉ូតូ Dream សេ ១២៥ បុកគ្នាជាមួយរថយន្ត March ស្ថិតនៅបណ្ដោយផ្លូវក្ដាន់ពីរ សង្កាត់វាលវង់ ខណ្ឌ៧មករា រាជធានីភ្នំពេញ។

ហេតុការណ៍នេះដែរ បានបណ្ដាលឲ្យម្ចាស់ម៉ូតូរងរបួសបន្តិចបន្តួចប៉ុណ្ណោះ ចំណែកឯអ្នកបើករថយន្តវិញ មិនមានគ្រោះថ្នាក់នោះទេ។

ក្រោយកើតហេតុភាគីទាំងសងខាង បានធ្វើការចរចាគ្នាមិនត្រូវ ទើបសមត្ថកិច្ចយករថយន្ត និងម៉ូតូមករក្សាទុក នៅអធិការខណ្ឌ៧មករា ដើម្បីរងចាំដោះស្រាយនៅពេលក្រោយ៕