ឧត្តរមានជ័យ: កាលពីវេលាម៉ោង ៥ ល្ងាចថ្ងៃទី១២ ខែសីហា ឆ្នាំ២០១៧ កម្លាំងជំនាញ នៃការិយាល័យប្រឆាំងគ្រឿងញៀន សហការជាមួយប៉ុស្តិរដ្ឋបាលត្រពាំងតាវ បានចុះបង្រ្កាបករណីជួញដូរគ្រឿងញៀន ដោយឃាត់ខ្លួនបានស្ត្រីម្នាក់ ត្រង់ចំណុចស្តង់ដំឡូងគ្មានមនុស្សនៅ ស្ថិតនៅភូមិទួលស្វាយ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ។

ជនសង្ស័យខាងលើ ឈ្មោះ ឆៃ ស្រី ហ៊ុច ភេទស្រី អាយុ ៤៧ ឆ្នាំ រស់នៅភូមិសុភី ឃុំកំពង់ស្វាយ ស្រុកសេរីសោភ័ណ្ឌ ខេត្តបន្ទាយមានជ័យ និងភូមិអូស្មាច់ សង្កាត់អូស្មាច់ ក្រុងសំរោង ខេត្តឧត្តរមានជ័យ: ។

វត្ថុតាងដកហូត រួមមាន៖ ថ្នាំញៀនប្រភេទមេតំហ្វេតាមីន(ice) ចំនួន ០២ កព្ចាប់ធំ ស្មើ ១០៣.១០ ក្រាម, រថយន្តម៉ាកកាម៉ារីបាឡែន ពណ៌ទឹកប្រាក់ ពាក់ស្លាកលេខ 2U 5991 ចំនួន ១ គ្រឿង, ទូរស័ព្ទដៃចំនួន ៣ គ្រឿង, ជញ្ជីងសម្រាប់ថ្លឹងថ្នាំញៀនចំនួន ១ គ្រឿង, ខ្សែកលោហ:ធាតុពណ៌លឿងចំនួន១ខ្សែ បន្តោងរង្វង់ផ្កាឈូក, ក្រវិលលោហ:ធាតុពណ៌លឿង លាយស ១ គូ, ប្រាក់ចំនួន ៣០០០០០ រៀល, អត្តសញ្ញណប័ណ្ណ ១ សន្លឹក, ថង់សម្រាប់ច្រកថ្នាំញៀនចំនួន ២ ដុំ ។

បច្ចុប្បន្នជនសង្ស័យ កំពុងត្រូវបានសមត្ថកិច្ចសាកសួរ និងកសាងសំណុំរឿង ដើម្បីចាត់ការតាមនីតិវិធី ៕