ពោធិ៍សាត់ៈ ហេតុការណ៍ភ្ញាក់ផ្អើលមួយបានកើតឡើងបន្ទាប់ពីមានការប្រទះឃើញសាកសពបុរសម្នាក់ ចងកសម្លាប់ខ្លួនស្លាប់យ៉ាងអាណោចអាធ័ម ក្រោយពីផឹកស្រវឹងរួចខឹងនឹងប្រពន្ធស្តីបន្ទោសបន្តិចបន្តួច។

ហេតុការណ៍នេះកើតឡើងកាលពីវេលាម៉ោង៨និង១០នាទីយប់ ថ្ងៃទី១៨ ខែសីហា ឆ្នាំ២០១៧ ស្ថិតនៅចំណុចក្រោយផ្ទះចម្ងាយ៥ម៉ែត្រ ក្នុងភូមិបឹង
ឃុំបឹងកន្ទួត ស្រុកក្រគរ ខេត្តពោធិ៍សាត់។

សពជនរងគ្រោះមានឈ្មោះ សួន ចាន់សេត អាយុ៣២ឆ្នាំ ភេទប្រុស ដោយមានប្រពន្ធឈ្មោះ ផល សាវ័ន អាយុ២៥ឆ្នាំ មានកូនចំនួន២នាក់ក្នុងបន្ទុកគ្រួសារ ហើយជនរងគ្រោះរូបនេះបានធ្វើអត្តឃាតចងកសម្លាប់ខ្លួន ជាមួយនិងខ្សែអង្រឹង ពណ៌ត្រេអ៊ីជាប់នឹង
ដើមស្វាយចន្ទី នៅខាងក្រោយផ្ទះស្លាប់ ដោយសារតែរឿង ខឹងប្រពន្ធស្តីបន្ទោសបន្តិចបន្តួច ព្រោះខ្លួនផឹកស៊ីស្រវឹងហើយត្រូវប្រពន្ធដេញឲ្យទៅងូត
ទឹក បែរជាមិនទៅងូតទឹកស្រាប់តែទៅចងករស្លាប់តែម្តង៕