កោះកុង: យោងតាមអនុក្រឹត្យរបស់រាជរដ្ឋាភិបាលកម្ពុជា ស្តីពីការផ្ទេរភារកិច្ច និងតែងតាំងមន្ត្រីរាជការ បានសម្រេចធ្វើការផ្ទេរភារកិច្ច នៃគណ:អភិបាលក្រុង ស្រុក នៅក្នុងខេត្តកោះកុងចំនួន២រូប រួមមាន ដូចជា៖
ទី១. លោក បូ វិបុល ឋានន្តរស័ក្តិវរមន្ត្រី ថ្នាក់លេខ១ អភិបាល នៃគណ:អភិបាលក្រុងខេមរភូមិន្ទ ឲ្យទៅបម្រើការងារនៅសាលាខេត្តកោះកុង។
ទី២. លោក ទូ សាវុធ ឋានន្តរស័ក្តិវរមន្ត្រី ថ្នាក់លេខ២ ពីអភិបាលនៃគណ:អភិបាលស្រុកថ្មបាំង ឲ្យទៅកាន់តំណែងជាអភិបាល នៃគណ:អភិបាលស្រុកបូទុមសាគរ។

ក្នុងនោះដែរ ក៏មានការតែងតែមន្ត្រីរាជការ ចំនួន២រូប ដែលជាអភិបាលនៃគណ:អភិបាលក្រុង ស្រុក នៅក្នុងខេត្តកោះកុង មានដូចជា៖
ទី១. លោក ឈេង សុវណ្ណដា ឋានន្តរស័ក្តិអនុមន្ត្រី ថ្នាក់លេខ១ ឲ្យទៅកាន់តំណែងជាអភិបាលនៃគណ:អភិបាលក្រុង ខេមរភូមិន្ទ ។
ទី២. លោក អន សុធារិទ្ធ ឋានន្តរស័ក្តិអនុមន្ត្រី ថ្នាក់លេខ១ ឲ្យទៅកាន់តំណែងជាអភិបាលនៃគណ:អភិបាលស្រុកថ្មបាំង ៕