ក្រុមបីសាចក្រហម Manchester United កំពុងតែត្រៀមនាំយកកីឡាករទី៤ មកកាន់ Old Trafford គឺកីឡាករ Andre Gomez ពីក្រុម Barcelona ។

បើតាមការចុះផ្សាយរបស់ Don Balon បានឲ្យដឹងថា Man Utd នឹងនាំយក Andre Gomez ជាកីឡាករទី៤ ដែលក្លិបអង់គ្លេសមួយនេះ យកមកកាន់ Old Trafford ខណះ Ivan Perisic ពិបាកក្នុងការនាំយក។ ជាការពិតណាស់ ក្រុមបីសាចក្រហម Manchester United បានទិញយកកីឡាករចំនួន ៣រូបមកហើយ ដែលរួមមានដូចជា Lindelof ពី Benfica, Lukaku ពីក្រុម Everton និង Matic ពីក្រុមតោខៀវ Chelsea ខណៈ Andre Gomez អាចនឹងក្លាយជាកីឡាករទី៤ របស់ Man Utd នារដូវកាលនេះ។

ជាការពិតណាស់ Andre Gomez ទើបតែចុះកុងត្រាជាមួយក្រុម Barcelona បាន ១២ខែប៉ុណ្ណោះបន្ទាប់ពីផ្លាស់ពីក្រុម Valencia មក។ យ៉ាងណាវិញ កីឡាករព័រទុយហ្គាល់ វ័យ២៤ឆ្នាំរូបនេះ កំពុងតែទទួលបានការចាប់អារម្មណ៍យ៉ាងខ្លាំងពីសំណាក់លោក Jose Mourinho ។ ម្យ៉ាងវិញទៀតនោះ Gomez ក៍ចង់ចាកចេញពី Barcelona មកកាន់ Man Utd ដែរ ព្រោះថា កីឡាកររូបនេះគិតថា នៅ Man Utd មានឱកាសបានលេងច្រើនជាងនៅ Barcelona ។

យ៉ាងណាវិញ នៅមិនទាន់មានការបញ្ជាក់តម្លៃខ្លួនឲ្យបានច្បាស់នៅឡើយទេ ក្នុងការលក់ Andre Gomez នេះ ហើយអ្វីដែលសំខាន់នោះ Man Utd អាចចឲណាយតិចក្នុងការទិញ កីឡាកររូបនេះ ដោយសារតែ Barcelona មិនចង់ប្រើកីឡាកររូបនេះឡើយ។ ដូច្នេះហើយ Gomez និងក្លាយជាកីឡាករទី៤ក្នុងពេលឆាប់ៗនេះ របស់ក្រុមបីសាចក្រហមនៅរដូវកាលនេះ បន្ទាប់ពី Lindelof, Lukaku និង Matic ។