ភ្នំពេញៈ ជនសង្ស័យ២នាក់ប្តីប្រពន្ធ ត្រូវបានកម្លាំងអន្តរាគមន៍នគរបាលខណ្ឌពោធិ៍សែនជ័យ ធ្វើការបង្ក្រាបបាន ដោយដកហូតថ្នាំញៀនបានមួយចំនួន។
ការឃាត់ខ្លួននេះបានធ្វើឡើងកាលពីវេលាម៉ោង៦និង៥០នាទីយប់ ថ្ងៃទី២៤ ខែសីហា ឆ្នាំ២០១៧ ស្ថិតនៅចំណុចខាងក្រោយផ្សារកាណាសីុធី ក្នុងភូមិចោមចៅ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យជាប្តីមានឈ្មោះ ប៉ូម សុធា ភេទប្រុស អាយុ២៦ឆ្នាំ មុខរបរកម្មករសំណង់ និងប្រពន្ធឈ្មោះ ហេង ស្រីមុំ អាយុ២៣ ឆ្នាំ មុខរបកម្មការិនីរោងចក្រ។ អ្នកទាំង២ស្នាក់នៅបន្ទប់ជួល ក្នុងភូមិចោមចៅ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
តាមសមត្ថកិច្ចបានបង្ហើបឲ្យដឹងថា មុននឹងឈានដល់ការឃាត់ខ្លួនជនសង្ស័យខាងលើ ដោយមានការបញ្ជាផ្ទាល់ពីលោកវីរៈសេនីយ៍ឯក យឹម សារ៉ាន់ អធិការនគរបាលខណ្ឌពោធិ៍សែនជ័យ ឲ្យបង្ក្រាបរាល់បទល្មើសក្នុងមូលដ្ឋានខ្លួនកុំឲ្យកើតមាន ទើបកម្លាំងអន្តរាគមន៍ធ្វើការស៊ើបអង្កេតនិងតាមដានអស់រយៈពេលជាមួយមកហើយ រហូតមកដល់វេលាកើតហេតុ ទើបធ្វើការឃាត់ខ្លួនបានជនសង្ស័យ និងឆែកឆេរកឃើញថ្នាំញៀននៅក្នុងខ្លួនចំនួន១កញ្ចប់ធំល្មមតែម្តង។
បច្ចុប្បន្នជនសង្ស័យខាងលើ ត្រូវបានសមត្ថកិច្ចនាំខ្លួនយកទៅធ្វើការសាកសួនៅប៉ុស្តិ៍រដ្ឋបាលនគរបាលចោមចៅ ដើម្បីកសាងសំណុំរឿងបញ្ជូនទៅអធិការនគរបាលខណ្ឌចាត់ការតាមផ្លូវច្បាប់បន្តទៀត៕
មតិយោបល់