Post News Media ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យ៣នាក់ ពាក់ព័ន្ធករណីគ្រឿងញៀន

ព្រះសីហនុ: កម្លាំងកងរាជអាវុធហត្ថខេត្តព្រះសីហនុ បានធ្វើការបង្ក្រាបករណីរក្សាទុក និងប្រើប្រាស់ នូវសារធាតុញៀន កាល​ពី​វេលាម៉ោង១និង៣០នាទី ថ្ងៃទី៣១ ខែឧសភា ឆ្នាំ២០១៦ ស្ថិតនៅចំណុច ក្រុម១៧ ភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ។

​ប្រភពឲ្យ​ដឹងថា កម្លាំងអាវុធហត្ថខេត្តព្រះសីហនុ បានធ្វើការឃាត់ខ្លួនបានជនសង្ស័យចំនួនបីនាក់ ដែលមានឈ្មោះ ៖ ទី១​ ស សុវណ្ណ ភេទប្រុស អាយុ៥៧ឆាំ្ន ជនជាតិខ្មែរ មុខរបរ ដឹកដូងប្រេងលក់ រស់នៅក្រុម១៧ ភូមិ០១ ឃុំទំនប់រលក ស្រុកស្ទឹងហាវ ខេត្តព្រះសីហនុ។ ទី២​ កៅ រិទិ្ធ ភេទប្រុស អាយុ ៣០ឆាំ្ន ជនជាតិខ្មែរ​ មុខរបរនេសាទ រស់នៅក្រុម ៤ ភូមិ០៣ ឃុំអូរត្រេះ ស្រុកស្ទឺងហាវ ខេត្តព្រះសីហនុ។ ទី៣​ ពេជ្រ រាជ្យ ភេទប្រុស អាយុ ២២ឆាំ្ន ជនជាតិខ្មែរ ​មុខរបរជាងភ្លើង រស់នៅក្រុម០១ ភូមិ០៣ ឃុំអូរត្រេះ ស្រុកស្ទឹងហាវ ខេត្តព្រះសីហនុ។

ប្រតិបត្តិការខាលើ កម្លាំង​អាវុធ​ហត្ថ​ដកហូត​វត្ថុតាង​រួមមាន៖ ទី១.ម្សៅក្រាមពណ៌សថ្លា ចំនួន០៣កញ្ចប់ ទី២. ទូរស័ព្ទដៃចំនួន០២គ្រឿង ទី៣.ម៉ូតូចំនួន ០១គ្រឿង ទី៤.ដបជក់ចំនួនមួយ ទី៥.កាំបិតចុងស្រួចចំនួនពីរ ទី៦.ប្រាក់រៀលចំនួនប៉ែតសិបពីរម៉ឺនរៀល ទី៧.ប្រាក់បាតចំនួន ៦០០បាត ទី៨.ប្រាក់ដុល្លារ ១៧៥ដុល្លារ​។

បច្ចុប្បន្ន ជនសង្ស័យ និងវត្ថុតាងខាងលើត្រូវកម្លាំងអាវុធហត្ថខេត្តព្រះសីហនុ កំពុងកសាងសំណុំរឿង ដើម្បីចាត់ការបន្តតាមនីតិវិធី៕

photo_2016-06-01_14-18-00

photo_2016-06-01_14-18-01

photo_2016-06-01_14-18-02

Loading...