ពោធិ៍សាត់ៈ លោកវរសនីយ៍ត្រី ឯម រុន អធិការស្រុកក្រគរ បានប្រាប់Post News ថា មានករណីមួលគំរបស៊ីទែនប្រេងសាំង បម្រុងបូមប្រេងសាំង ពេលមួលគំរបហើយ ស្រាប់តែឆួលចំហាយ ប្រេងចេញមកក្រៅ បណ្តាលឲ្យជះចំហាយ ស្លាប់ម្នាក់និងរបួសម្នាក់។

ហេតុការណ៍កើតឡើងនៅវេលាម៉ោង៣ និង២០នាទី ថ្ងៃទី២៧ ខែសីហា ឆ្នាំ២០១៧ នៅចំណុចផ្ទះបណ្តែតទឹក ស្ថិតនៅភូមិទី៥ ឃុំកំពង់លួង ស្រុកក្រគរ ខេត្តពោធិ៍សាត់។
ម្ចាស់ផ្ទះឈ្មោះ លី ផេងគង់ ហៅលែ ភេទប្រុស អាយុ៦៤ឆ្នាំ ជនជាតិវៀតណាម នៅភូមិឃុំកើតហេតុខាងលើ។

ជនរងគ្រោះទាំង២នាក់ ទី១ឈ្មោះ ផុង យ៉ាំងលីម ភេទប្រុស អាយុ៦ឆ្នាំ ជនជាតិវៀតណាម (ស្លាប់) ត្រូវជាចៅបង្កើតទៅឈរមើល និងទី២ឈ្មោះ ង្វៀង យ៉ាំងប៊ែ ភេទប្រុស អាយុ១២ឆ្នាំ ជនជាតិវៀតណាម រងរបួស បញ្ជូនមកមន្ទីរពេទ្យ ស្រុកក្រគរ ត្រូវជាចៅបង្កើតអ្នកមួលគំរបប្រេង ដើម្បីបូម៕