បាត់ដំបងៈ រថយន្តដឹកប្រហិត១គ្រឿង ពីជាយដែនសំដៅភ្នំពេញ បានបុកម៉ូតូសណ្តោងដឹកសាំង បណ្តាលឲ្យស្លាប់១ម្នាក់ របួស១ម្នាក់ កាលពីវេលាម៉ោង១២និង៣៥នាទីថ្ងៃទី១ ខែមិថុនា ឆ្នាំ២០១៦ នៅចំណុចផ្លូវបំបែកជាបី ស្ថិតក្នុងភូមិសាលាបាឡាត់ សង្កាត់អូរម៉ាល់ ក្រុងបាត់ដំបង។

ជនរងគ្រោះមានឈ្មោះ មេន សីហា ភេទប្រុសអាយុ២៥ឆ្នាំ មានស្រុកកំណើតនៅភូមិរការល្សត្រ ឃុំមេបុណ្យស្រុកស្វាយអន្ទរខេត្តព្រៃវែង បច្ចុប្បន្នមកស្នាក់នៅបណ្តោះអាសន្នការ៉ាសសាំងLRX ស្ថិតក្នុងភូមិអណ្តូងចេញសង្កាត់អូរចារក្រុងបាត់ដំបងបានស្លាប់ រីឯ ម្នាក់ទៀតរងរបួសមិនស្គាល់ឈ្មោះ។

បច្ចុប្បន្នសាកសពត្រូវសមត្ថកិច្ចបានជួយដឹកទៅផ្ទះ ដើម្បីធ្វើបុណ្យតាមប្រពៃណី។ ចំណែកអ្នករងរបួសដឹកទៅសង្រ្គោះនៅមន្ទីរពេទ្យខេត្ត។ ដោយឡែកអ្នកបើកបររថយន្តមិនស្គាល់ឈ្មោះបានរត់គេចខ្លួនបាត់។ មធ្យោបាយទាំង២ ត្រូវបានសមត្ថកិច្ចអូសយកទៅរក្សាទុកបណ្តោះអាសន្ននៅស្នងការនគរបាលខេត្ត រង់ចាំម្ចាស់ចូលខ្លួនមកដោះស្រាយតាមច្បាប់៕