ភ្នំពេញៈ មនុស្សប្រុសស្រី៧នាក់ ត្រូវបានកម្លាំងសមត្ថកិច្ចប៉ុស្តិ៍ទួលសង្កែ ធ្វើការឃាត់ខ្លួនជាបន្តបន្ទប់ និងដកហូតថ្នាំញៀន២កញ្ចប់ កាលពីវេលាម៉ោង ១និង៣០នាទីយប់ ថ្ងៃទី០៦ ខែកញ្ញា ឆ្នាំ២០១៧ ដែលនៅត្រង់ចំណុចតាមបណ្តោយផ្លូវជាតិលេខ៥ ស្ថិតក្នុងក្រុម១ ភូមិផ្សារតូច សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ។

ជនសង្ស័យទាំង៧នាក់ទី១-ឈ្មោះ តន វណ្ណា ភេទស្រី អាយុ ៤៨ឆ្នាំ មុខរបរ មិនពិតប្រាកដ (ជួញដូរ) ស្នាក់នៅផ្ទះជួល ផ្លូវលំ ភូមិទួលសំពៅ សង្កាត់ទួលសងែ្ក១, ទី២-ឈ្មោះ ហេង ធារ៉ា ភេទប្រុស អាយុ ២៣ឆ្នាំ មុខរបរ ជាងផ្សារដែក (ប្រើប្រាស់) ស្នាក់នៅផ្ទះជួល ភូមិទួលថ្ងាន់ សង្កាត់ទួលសងែ្ក២, ទី៣-ឈ្មោះ សេត អូន ភេទប្រុសបអាយុ ២៣ឆ្នាំ មុខរបរ មិនពិតប្រាកដ (ប្រើប្រាស់) សា្នក់នៅផ្ទះជួល ផ្លូវរថភើ្លង ភូមិឃ្លាំងសាំង សងា្កត់ឫស្សីកែវ, ទី៤-ឈ្មោះ ណាន់ នេត ភេទប្រុស អាយុ ២១ឆ្នាំ មុខរបរ នៅផ្ទះ (ប្រើប្រាស់) សា្នក់នៅផ្ទះជួលជាមួយ (សេតអូត), ទី៥-ឈ្មោះ ធី សម្ភស្ស ភេទប្រុស អាយុ ២៣ឆ្នាំ មុខរបរ កម្មករ (ប្រើប្រាស់) សា្នក់នៅផ្ទះជួល ក្រុម១ ភូមិបាក់ទូក សងា្កត់ ទួលសងែ្ក១, ទី៦-ឈ្មោះ ផុន កុសល ភេទប្រុស អាយុ ២៤ឆ្នាំ មុខរបរ មិនពិតប្រាកដ (ប្រើប្រាស់) សា្នក់នៅផ្ទះជួល ផ្លូវលំ ភូមិទួលសំពៅ សងា្តត់ទួលសងែ្ក១ និងទី៧-ឈ្មោះ សុខ ប៉ី ភេទប្រុស អាយុ ២២ឆ្នាំ មុខរបរ មិនពិតប្រាកដ (ប្រើប្រាស់) ស្នាក់នៅផ្ទះជួល ផ្លូវបេតុង ភូមិសាមគ្គី សង្កាត់ឫស្សីកែវ។

សមត្ថកិច្ចបានឲ្យដឹងថា នៅយប់ថ្ងៃទី៦ ខែកញ្ញា ឆ្នាំ២០១៧ កម្លាំងសមត្ថកិច្ច នៃអធិការដ្ឋាននគរបាលខណ្ឌឫស្សីកែវ សហការជាមួយកម្លាំងសមត្ថកិច្ចប៉ុស្តិ៍ទួលសង្កែ បានធ្វើការជិះល្បាតក្នុងមូលដ្ឋាន ខណៈពេលកំពុងជិះល្បាតក្នុងភូមិសាស្ត្រ ក៏បានប្រទះឃើញជនសង្ស័យ ហើយសមត្ថកិច្ចយើងបានឃាត់ខ្លួនជាបន្តបន្ទប់រហូតបានចំនួន ៧នាក់ ព្រមទាំងដកហូតម្សៅក្រាមពណ៌សថ្លាចំនួន ២កញ្ចប់តូច ជាប្រភេទម៉ាទឹកកក និងម៉ូតូ មួយគ្រឿង ម៉ាក ICON ពណ៌ស ត្រួយចេក ពាក់ស្លាកលេខ ភ្នំពេញ 1FK-4823 ហើយសមត្ថកិច្ចយើងបានឃាត់ខ្លួនយកមកប៉ុស្តិ៍ទួលសង្កែ ដើម្បីធ្វើការសាកសួរ។

បច្ចុប្បន្នជនសង្ស័យទាំង៧នាក់ខាងលើ រួមនិងវត្ថុតាង ត្រូវឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមផ្លូវច្បាប់៕