Post News Media ព័ត៌មានជាតិ បញ្ជូនជនល្មើស...

បញ្ជូនជនល្មើស២នាក់ទៅតុលាការ ពីបទឈូសឆាយដីព្រៃលិចទឹក

កំពង់ឆ្នាំង: ​សមត្ថកិច្ច​ផ្នែក​រដ្ឋបាល​ជលផល​កំពង់​ប្រាសាទ ចាប់ខ្លួន​​​ជនល្មើស​២​នាក់​ ​​បញ្ជូនទៅ​តុលាការ ​​​ពី​បទ​​លួច​ឈូសឆាយ​ព្រៃ​លិច​ទឹក ​នៅ​តំបន់​២ ​និង​តំបន់​៣ ​ក្នុង​ឃុំ​ពាម​ឆ្កោក​ ស្រុក​ជល​គី​រី កាលពី​ថ្ងៃទី​២៧ ខែឧសភា ឆ្នាំ​២០១៦។
ក្នុងនោះ​ ជនល្មើស​ម្នាក់​ទៀត​ ជា​ម្ចាស់​ត្រាក់ទ័រ​២​គ្រឿង​ ដែរ​សមត្ថកិច្ច​ចាប់បាន​ ក្នុងពេល​លួច​ឈូសឆាយ​ព្រៃ​លិច​ទឹកជា​ច្រើន​ហិកតា​នៅ​ចំណុច​ខាងលើ ​បាន​រត់​គេចខ្លួនបាត់​ ប៉ុន្តែ​សមត្ថកិច្ច​បាន​ស្គាល់​អត្តសញ្ញាណ​ច្បាស់​ហើយ​។​

លោក សុង សារឿន នាយ​សង្កាត់រដ្ឋបាល​ជល​ផល ជល​គី​រី បាន​​ឲ្យដឹង​ នៅ​ព្រឹកថ្ងៃទី​០២ ខែមិថុនា ឆ្នាំ​២០១៦ ថា​ កន្លងមក​បទល្មើស​ឈូសឆាយ ដីព្រៃ​លិច​ទឹក ក្នុង​ឃុំ​ពាម​ឆ្កោក ស្រុក​ជល​គី​រី ពិតជា​កើតមាន​មែន នៅក្នុង​ភូមិ​ពាម​ឆ្កោក មាន​៣​ចំណុច ទី​១.​កប់​ចេះ​ទី​២.​ខ្វែង​ឆ្លុះ​ ទី​៣. វាល​ស្រងែ , នៅ​ភូមិ​ក្បាល​កន្លង់​មាន ២​ចំណុច​៖ ទី​១. ស្រូ​ង​ស្រ​ទ័យ ទី​២. បាត់​កាំភ្លើង​។

លោក​ បាន​បញ្ជាក់​ថា​ បទល្មើស​ទាំងនេះ​ បាន​កើត​ឡើង នៅមុន​ចូល​ថ្ងៃ​ឆ្នាំ​ខ្មែរ​គឺ​ក្នុង​ខែមេសា តែ​ក្រោយពី​មានការ​បង្ក្រាប​គឺ​បាន​ស្ងប់ស្ងាត់​មួយរយ: ​ក្រោយមក​ក៏​កើតមាន​ទៀត ​ទើប​សមត្ថកិច្ច​ចម្រុះ បាន​ឯកភាព​បង្កើត​គណ:កម្មការ​មួយ​វាយតម្លៃ ការខូចខាត​និង​ស្វែងរក​ចាប់​ជនដៃដល់ យកមក​ផ្តន្ទាទោស​តាមច្បាប់។

លទ្ធផល​ធ្វើបាន​៖ ជំហាន​ទី​១ នៅ​ថ្ងៃទី​០៩ ខែឧសភា ឆ្នាំ​២០១៦ សមត្ថកិច្ច​ចម្រុះ រួមមាន​ប្រធាន អនុប្រធាន ​និង​សមាជិក ១៣​នាក់ ​បាន​ចុះបង្ក្រាប ​និង​ឃាត់​បាន​ត្រាក់ទ័រ​២​គ្រឿង ដែល​អ្នក បើកបរ​រត់គេចខ្លួន​បាត់ ក្នុងនោះ​ត្រាក់ទ័រ​១​គ្រឿង​មិន​ស្គាល់​ម្ចាស់ និង​មួយ​គ្រឿង​ទៀត​ជា​របស់ ឈ្មោះ ទិ​ត្យ អឿន ដោយ​បាន​យកមក​រក្សាទុក នៅ​រដ្ឋបាល​ជលផល និង​បាន​កសាង​សំណុំរឿង​ឈ្មោះ​នេះ ទៅ​តុលាការ ដើម្បី​ចាត់ការ​តាមច្បាប់។

ជំហាន​ទី​២ នៅ​ថ្ងៃទី​២៧ ខែ ឧសភា ឆ្នាំ​២០១៦ សមត្ថកិច្ច​ចម្រុះ​ដដែល បាន​ឃាត់ខ្លួន​មនុស្ស​២​នាក់ ដែល​កំពុង​ធ្វើ​សកម្មភាព​វាស់វែង បោះបង្គោល ចែក​ព្រុំដី​គ្នា ក្នុងនោះ​មាន​ម្នាក់​ជា​មេក្លោង​ដុត​ព្រៃ ​និង​បាន​វាស់ដី​លក់​ឲ្យគេ មានឈ្មោះ សូត្រ សេត អាយុ​៥៥​ឆ្នាំ មាន​ទីលំនៅ​ភូមិ​ព្រៃ​គ្រី​ជើង ឃុំ​ព្រៃ​គ្រី ស្រុក​ជល​គី​រី និង​ម្នាក់ទៀត ជា​អ្នកទិញ​ដី ឈ្មោះ ជឿន ធី អាយុ​៣៤ ឆ្នាំ ទាំងពីរ​នាក់ នៅ​ភូមិ​ឃុំ​ជាមួយគ្នា និង​បច្ចុប្បន្ន​ត្រូវ​បាន​តុលាការ​ឃុំខ្លួន​នៅក្នុង​ពន្ធនាគារ​ខេត្ត រង់ចាំ​សវនាការ​ជំនុំជំរះ​ផ្តន្ទាទោស​។

លោកនាយ​សង្កាត់រដ្ឋបាល​ជល​គី​រី ឲ្យដឹងទៀតថា​ ភ្លើង​ឆេះ​ព្រៃ ក្នុង​តំបន់​២ និង​៣ នៅ​ចំណុច​ខាងលើ​សរុប​មាន​ចំនួន ១៤៧,២៨​ហិកតា ចំណែក​ដីព្រៃ​លិច​ទឹក​ដែល​រង​ការខូចខាត​ដោយ​ការ​ឈូសឆាយ ដោយ​ត្រាក់ទ័រ វិញ​មាន​ចំនួន ៦៣, ៦៥​ហិកតា​។​ បន្ទាប់ពី​មានការ​បង្ក្រាប យ៉ាង​ក្តៅ​គគុករួចមក បទល្មើស​ឈូស ឆាយដី​ព្រៃ​លិច​ទឹក នៅ​តំបន់​នោះ​បច្ចុប្បន្ន មាន​សភាព​ស្ងប់ស្ងាត់​វិញ​ហើយ។ ចំពោះ​វិធានការ​ចំពោះមុខ​គណ:​បញ្ជា​ការឯកភាព​ស្រុក​ ពិសេស​មេឃុំ​ដែល​ពាក់​ព័ន្ធ​ត្រូវ​ប្រើប្រាស់​កម្លាំង​ប្រជា​ការពារ និង​សហគមន៍​នេសាទ ​ដើម្បី​រួមគ្នា​ការពារ ព្រៃ​លិច​ទឹក​ដែល​នៅ​សេសសល់ និង​ក្រៅពីនោះ បាន​ធ្វើ​ការបោះ​ស្លាក​ការពារ ហាម​កាប់​និង ​ឈូសឆាយ​ដីព្រៃ​លិច​ទឹក​បន្តទៀត​។

​គួរបញ្ជាក់​ថា ល្មើស​លួច​ដុត​ព្រៃ​លិច​ទឹក បន្ទាប់មក​លួច​ឈូសឆាយ ​យក​ធើ្វ​ជាក​ម្មសិ​ទ្ធ​ បានកើត​ឡើង​នៅ​ស្រុក​បរិបូណ៌ ​ស្រុក​កំពង់លែង ​និង​ចុងក្រោយ​នៅ​ស្រុក​ជល​គី​រី ​ ប៉ុន្តែ​ការបង្ក្រាប របស់​មន្ត្រី​ជំនាញ​គឺ​បាន​ដើរ​ក្រោយ​បទល្មើស ​គឺថា​ បទល្មើស​កើត​ហើយ​ទើប​ទៅ​បង្ក្រាប​បើសិន​បាន​បង្ក្រាប​ពេល​ចាប់ផ្តើម​ពីដំបូង​ គឺ​ពិតជា​ល្អ​គឺ​ទប់ស្កាត់​បាន​ទាន់ពេល។ ប៉ុន្តែ​ទោះជា​យ៉ាងនេះ​ក្តី ប្រជាពលរដ្ឋ​ក៏បាន​ចូលរួម​អបអរសាទរ​ផង​ដែរ ព្រោះ​ចាប់បាន​ជនល្មើស​២​នាក់​យកទៅ​ដាក់​ពន្ធនាគារ ​ រឿងនេះ​ពួកគាត់​ក៏​សំណូមពរ​ដល់​តុលាការខេត្ត​ផងដែរ សូម​ផ្តន្ទាទោស​ជន​ល្មើ​ស​ឲ្យ​បាន​ម៉ឺងម៉ាត់​ផង ព្រោះថា​ កន្លងមក​សមត្ថ​កិច្ច​បាន​បញ្ជូន​សំណុំរឿង​អ្នក​កាប់​បំផ្លាញ​ព្រៃ​លិច​ទឹក​ជាង ​២០​ករណី ​មិនទាន់​ឃើញ​តុលាការ​ចាត់ការ​ឡើយ​៕

11

13

14 (2)

14

15

16

17

Loading...