ភ្នំពេញៈ ជនសង្ស័យម្នាក់ក្នុងចំណោមបក្ខពួក១០នាក់ទៀតត្រូវសមត្ថកិច្ចប៉ុស្តិ៍ស្ទឹងមានជ័យឃាត់ខ្លួនក្រោយពេលធ្វើសកម្មភាពលួចកាត់ស៊ីលកុងតឺន័រ លួចយកក្រណាត់អស់មួយកុងតឺន័របានសម្រេចកាលពីយប់ថ្ងៃទី៦ ខែកញ្ញា ឆ្នាំ២០១៧។

លុះព្រឹកឡើងនៅថ្ងៃទី៧ ខែកញ្ញា ឆ្នាំ២០១៧ ជនសង្ស័យខាងលើកំពុងបើករថយន្តនៅចំណុចស្ពានដែក ផ្លូវ២១៧ ចំណុចភូមិឫស្សី
ត្រូវបានម្ចាស់កុងតឺន័រ ឃាត់ខ្លួនឲ្យសមត្ថកិច្ចស្ទឹងមានជ័យ។

ជនសង្ស័យខាងលើមានឈ្មោះ នាង បុរិន អាយុ២៤ឆ្នាំ មុខរបរបើករថយន្តក្រុមហ៊ុនទីកូ មានស្រុកកំណើតនៅភូមិទឹកថ្លា ឃុំគីរី ស្រុកបសេដ្ឋ ខេត្តកំពង់ស្ពឺ។

ក្រោយពីធ្វើការឃាត់ខ្លួន ជនសង្ស័យខាងលើត្រូវបានបញ្ជូនមកសាកសួរនៅប៉ុស្តិ៍នគរបាលស្ទឹងមានជ័យចាត់ការតាមនីតិវិធីចំណែកបក្ខពួកដែលនៅសេសសល់សមត្ថកិច្ចកំពុងធ្វើការស្រាវជ្រាវចាប់ខ្លួនបន្តរទៀត៕

https://youtu.be/hcYB2ffhUoc