ព័ត៌មានសេដ្ឋកិច្ច

ឆ្នាំថ្មី ២០១៨ ថៃ នឹងប្រគល់ក្បាលរថភ្លើង ២គ្រឿង ដល់កម្ពុជា

រដ្ឋាភិបាលថៃ នឹងផ្តល់ក្បាលរថភ្លើងដល់កម្ពុជា ចំនួន ២គ្រឿង នៅដើមឆ្នាំ ២០១៨ខាងមុខនេះ ដើម្បីជម្រុញកំណើនសេដ្ឋកិច្ច និងទេសចរណ៍រវាងប្រទេសទាំងពីរ។ នេះបើយោងតាម ការចេញផ្សាយរបស់ក្រសួងសាធារណការ និងដឹកជញ្ជូន។

លោក Arkhom Termpittayapaisith រដ្ឋមន្រ្តីក្រសួងដឹកជញ្ជូនថៃ បានបង្ហាញក្តីសោមនស្ស ក្នុងការប្រគល់ក្បាលរថភ្លើងប្រើម៉ាស៊ូត ចំនួន ៣គ្រឿង ដល់កម្ពុជា នៅពេលផ្លូវរថភ្លើងកម្ពុជា-ថៃ ត្រូវបានតភ្ជាប់នៅដំណាច់ឆ្នាំនេះ។

ក្រោយពេលផ្លូវដែកនេះដំណើរការ វានឹងជួយកាត់បន្ថយថ្លៃសេវាដឹកទំនិញ ក៏ដូចជាកាត់បន្ថយការកកស្ទះចរាចរណ៍ និងការដឹកទំនិញតាមផ្លូវជាតិ ហើយវាក៏ជម្រុញកំណើន និងពង្រីកទំហំសេដ្ឋកិច្ចរវាងទាំងពីរដល់ ១៥ពាន់លានដុល្លារ ក្នុងពេលដ៏ខ្លីខាងមុខផងដែរ។

គួរបញ្ជាក់ដែរថា ទំនិញជាង ៧០ភាគរយ ដែលនាំចូលពីប្រទេសថៃ គឺឆ្លងកាត់តាមច្រកប៉ោយប៉ែត។

មតិយោបល់