បាត់ដំបងៈ កម្លាំងជំនាញអធិការដ្ឋាននគរបាលស្រុកភ្នំព្រឹក ដឹកនាំបញ្ជាដោយលោកវរសេនីយ៍ទោ សុង សុភ័ក្រ្ត អធិការនគរបាលស្រុកភ្នំព្រឹកសហការជាមួយកម្លាំងប៉ុស្តិ៍នគរបាលរដ្ឋបាលបារាំងធ្លាក់ បានឃាត់ខ្លួនជនសង្ស័យម្នាក់ ចែកចាយ និងរក្សាទុកនូវសាធាតុញៀន កាលពីវេលាម៉ោង១១:០០នាទី ថ្ងៃទី០២ ឧសភា ២០១៦ ស្ថិតនៅក្រុមទី០៦ ភូមិទួល ឃុំបារាំងធ្លាក់ ស្រុកភ្នំព្រឹក។
ប្រភពឲ្យដឹងថា ជនសង្ស័យ ឈ្មោះ ហ៊ុន បឿន ភេទស្រី អាយុ៥៥ឆ្នាំ រស់នៅ ភូមិ ឃុំខាងលើ។
ប្រតិបត្តិការខាងលើនេះ កម្លាំងនគរបាលដកហូតវត្ថុតាងរួមមាន៖ គ្រាប់ថ្នាំពណ៌ផ្កាឈូកសញ្ញា WY ចំនួន៨៣គ្រាប់ បំពងសម្រាប់ដាក់ថ្នាំញៀនចំនួន០១ ថង់ប្លាស្ទិចកឹបមាត់ពណ៌ខៀវចំនួន០១ និងកញ្ចប់បារី ខេមបូ សម្រាប់ដាក់គ្រឿងញៀនចំនួន០៥កញ្ចប់។
បច្ចុប្បន្ន សមត្ថកិច្ចកំពុងកសាងសំណុំរឿង និងបញ្ជូនខ្លួនជនសង្ស័យ ទៅការិយាល័យជំនាញ ដើម្បីចាត់ការតាមនិតិវិធីច្បាប់៕
មតិយោបល់