កោះកុងៈ លោកអធិការរងស្រុកស្រែអំបិល បានប្រាប់ Post News ថា មានករណីគ្រោះថ្នាក់ចរាចរណ៍មួយបានកើតឡើងរវាងម៉ូតូនិងម៉ូតូ បណ្តាលឲ្យមនុស្ស២នាក់រងរបួសធ្ងន់។

ហេតុការណ៍កើតឡើងនៅវេលាម៉ោង ១០ និង១៥នាទី នៅលើផ្លូវ១៦១ ភូមិត្រពាំង ឃុំស្រែអំបិល ស្រុកស្រែអំបិល ខេត្តកោះកុង។

មុនពេលកើតហេតុ គេឃើញមានម៉ូតូ១គ្រឿង ម៉ាកសង់១២៥ ស៊េរី២០០៩ពណ៌ខ្មៅ ពាក់ស្លាកលេខ ភ្នំពេញ1C-4744 ជិះដោយឈ្មោះ រិទ្ធ តុយ ភេទប្រុសអាយុ២១ឆ្នាំ ស្នាក់នៅភូមិត្រៀក ឃុំស្រែអំបិល ស្រុកស្រែអំបិល ខេត្តកោះកុង បានបត់កាត់មុខគេ រួចក៏បុកម៉ូតូ ម៉ាកវ៉េវ ពណ៌ក្រហម គ្មានស្លាកលេខ ជិះដោយឈ្មោះ ង៉ូវ សុខឡេង ភេទស្រី អាយុ៤៧ឆ្នាំ ស្នាក់នៅភូមិបឹងព្រាវ ឃុំបឹងព្រាវ ស្រុកស្រែអំបិល ខេត្តកោះកុង ទិសដៅពីលិចទៅកើត បណ្តាលឲ្យអ្នកទាំង២របួសធ្ងន់ដូចគ្នា ត្រូវបានបងប្អូនដឹកយកទៅសង្គ្រោះមន្ទីរពេទ្យបង្អែកស្រែអំបិល។

ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើការវាស់វែង និងនាំយកម៉ូតូទាំង២គ្រឿងមករក្សាទុករង់ចាំដោះស្រាយគ្នាពេលក្រោយផងដែរ៕