ក្រចេះ: កាលពីវេលាម៉ោង១២ និង១០នាទីថ្ងៃទី០៩ ខែកញ្ញា ឆ្នាំ ២០១៧ កម្លាំងអធិការដ្ឋាននគរបាលស្រុកឆ្លូង សហការណ៍ ជាមួយកម្លាំងប៉ុស្តិ៍រដ្ឋបាលឃុំឆ្លូង បានចុះបង្ក្រាបករណីជួញដូរ ចែកចាយ និងប្រើប្រាស់ សារធាតុញៀនខុសច្បាប់ នៅចំណុចផ្ទះសំណាក់បូរាណ ស្ថិតក្នុងភូមិ ជ្រោយថ្មក្រោម ឃុំឆ្លូង ស្រុកឆ្លូង ខេត្តក្រចេះ ដោយឃាត់ខ្លួនជន សង្ស័យចំនួន ០៣ នាក់។

ជនសង្ស័យទី១ ឈ្មោះ ម៉ាត់ រ៉វ៉ី ភេទប្រុស អាយុ២៥ ឆ្នាំ ជនជាតិឥស្លាម មានទីលំនៅភូមិពង្រ២ ឃុំពង្រ ស្រុកឆ្លូង។ ទី២ឈ្មោះ ពៅ ហ្សិត ភេទប្រុស អាយុ ៤៥ឆ្នាំ ជាជាតិឥស្លាម មានទីលំនៅភូមិពង្រ១ ឃុំពង្រ ស្រុកឆ្លូង ។ ទី៣ ឈ្មោះ ស្រ៊ុន ស្រីនិត ភេទស្រី អាយុ ២២ ឆ្នាំ ជនជាតិខ្មែរ មានទីលំនៅ ចំណុចគីឡូ៤ ភូមិព្រែកចំឡាក់ ឃុំកញ្ជរ ស្រុកឆ្លូង ខេត្ដក្រចេះ ។

វត្ថុតាងដកហូតរួមមាន ម៉្សៅក្រាមពណ៌ស ចំនួន ០៦កញ្ចប់ (១កញ្ជាប់ធំ ៥កញ្ជប់តូច​) ​ទូរស័ព្ទចំនួន ២គ្រឿង (ម៉ាក Nokia ចុចពិលពណ៌ខ្មៅចំនួន ១គ្រឿង និងម៉ាក Camfone ១គ្រឿង) រួមទាំងសម្ភារៈសម្រាបប្រើប្រាស់មួយចំនួនទៀត។

បច្ចុប្បន្នជនសង្ស័យទាំង០៣នាក់​ ត្រូវបានសមត្ថកិច្ចឃាត់ខ្លួន បណ្តោះអាសន្ន នៅអធិការដ្ឋាននគរបាលស្រុកឆ្លូង ដើម្បីកសាងសំណុំរឿង បញ្ជូនទៅការិយាល័យប្រឆាំងគ្រឿញៀនចាត់ការបន្ត៕