កោះកុង: ក្រុមកម្មករកំពុងជីកដី ដើម្បីបុកគ្រឹះសាងសង់ផ្ទះ ប្រទះឃើញគ្រាប់បេ មិនទាន់ផ្ទុះចំនួន៣គ្រាប់ កាលពីវេលាម៉ោង១២ថ្ងៃត្រង់ នាថ្ងៃទី២ ខែមិថុនា ឆ្នាំ២០១៦ម្សិលមិញ នៅចំណុចជិតរង្វង់មូលយាយរែកកញ្ជើ ស្ថិតក្នុងភូមិ២ សង្កាត់ស្មាច់មានជ័យ ក្រុងខេមរះភូមិន្ទ ខេត្តកោះកុង។
លោក ហ៊ីន សៀន ដែលជាម្ចាស់ផ្ទះ បាននិយាយថា ក្រោយពីប្រទះឃើញគ្រាប់បេមិនទាន់ផ្ទុះខាងលើ និងដើម្បីបញ្ចៀសនូវគ្រោះថ្នាក់ផ្សេងៗជាយថាហេតុ លោកក៏បានរាយការណ៍ទៅសមត្ថកិច្ច ដើម្បីយកគ្រាប់បេទាំងនោះ ទៅរក្សាទុក ឬកម្ទេចចោល។
លោក រៀល ចាន់តារា អធិការក្រុងខេមរះភូមិន្ទ បានថ្លែងថា លោកបានឲ្យសមត្ថកិច្ចប៉ូលិសប៉ុស្តិ៍យកគ្រាប់នោះ ទៅរក្សាទុកនៅប៉ុស្តិ៍ហើយ ហើយលោកក៏បានរាយការណ៍ទៅលោកស្នងការខេត្តដែរ៕
មតិយោបល់