ភ្នំពេញៈ កម្លាំងល្បាតអធិការដ្ឋាន បានឃាត់ខ្លួនជនសង្ស័យ២នាក់ ពាក់ព័ន្ធនឹងករណី កាន់កាប់អាវុធដោយគ្មានការអនុញ្ញាត និងប្រើប្រាស់គ្រឿងញៀន កាលពីវេលាម៉ោង៤ និង២៥នាទីល្ងាច ថ្ងៃទី២៨ ខែកញ្ញា ឆ្នាំ២០១៧ នៅមុខអាគារទី៣ ផ្លូវ២១១ ភូមិ១២ សង្កាត់វាលវង់ ខណ្ឌ៧មករា រាជធានីភ្នំពេញ។
ជនប្រើប្រាស់មានទី១ឈ្មោះ ស.ភ.រ. ភេទ ប្រុស អាយុ ១៤ ឆ្នាំ មុខរបរ រើអេតចាយ ទីស្នាក់នៅតូបជួលក្រោមអាគារទី ៧ ផ្លូវ ២១១ ភូមិ ១២ សង្កាត់ វាលវង់ ខណ្ឌ៧មករា ( កាន់កាប់អាវុធដោយគ្មានការអនុញ្ញាត និង ប្រើប្រាស់គ្រឿងញៀន ) និងទី២ឈ្មោះ ស.គ.ហ ភេទប្រុស អាយុ១៤ឆ្នាំ មុខរបរ សិស្ស ស្នាក់នៅផ្ទះជួល អាគារទី ៥ ផ្លូវ ២១១ ភូមិ ១២ សង្កាត់ វាលវង់ ខណ្ឌ៧មករា ( ប្រើប្រាស់គ្រឿងញៀន)។ សម្ភារៈដកហូត ៖ កំបិតប៉័ងតោ ចំនួន១ដើម។
បច្ចុប្បន្នជនសង្ស័យជនប្រើប្រាស់ខាងលើកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌ៧មករា ដើម្បីសាកសួរ និងកសាងសំណុំរឿងចាត់ការតាមផ្លូវច្បាប់ ៕
មតិយោបល់