Facebook Home ជាផ្នែក​ថ្មី​មួយ​ដែល​ទើប​តែ​នឹង​កើត​មាន​ឡើង ហើយ​ត្រូវ​បាន​ដាក់​បញ្ចូល​ទៅ​ក្នុង​ Android ផង​ដែរ។ ដោយ Facebook Home ទើប​តែ​បង្កើត និង​ចាប់​ផ្ដើម​នេះ​ធ្វើ​ឲ្យ​អ្នក​ប្រើ​មិន​ទាន់​អាច​ទទួល​យក​បាន ដូច​នេះ​ធ្វើ​ឲ្យ​ការ​ដាក់​ពិន្ទុ​នៅ​ក្នុង Play Store បាន​តែ 2.3 ក្នុង ៥ ដែល​ជាចំនួន​តិច​បំផុតសម្រាប់កម្មវិធីថ្មី​មួយ​នេះ។

អគនាយក​របស់​ Facebook នឹង​ត្រូវ​ពិភាក្សា​ជាមួយនឹង Apple និង Microsoft អំពីការ​ដាក់​បញ្ចូល​ Facebook Home ថ្មី​នេះ​ទៅ​កាន់ iOS និង Windows Phone 8។

បើ​តាម​ដឹង​នោះ Apple មិន​ងាយ​នឹង​ផ្ដល់​ឲ្យ Facebook ធ្វើ​ការ​ដាក់​បញ្ចូល​ជាដាច់​ខាត​ ទោះ​ជា Apple និង​ Facebook កំពង់​សហការគ្នា​ក៏​ដោយ រួម​នឹង​កម្មវិធី Build in Facebook នោះ​ក្ដី។ ព្រោះ​ Apple មិន​ពេញ​ចិត្ត​នឹង​ផ្ដល់ឲ្យ​មាន​កម្មវិធី​ដែល​អាច​បើក​នៅ​លើ Lock Screen បាន​ឡើយ ដើម្បី​ជៀសវាង​ការ​វាយ​ប្រហារ និង​បំបែក Passcode បាន។