ភ្នំពេញៈ បុរសម្នាក់ជិះម៉ូតូធំមួយគ្រឿងក្នុងល្បឿនលឿនមកបុករថយន្តម៉ាកសើដេស ស៊េរីទំនើបមួយគ្រឿង ត្រង់ចំណុចផ្លូវបែកជាបួន បណ្តាលឲ្យបុរសម្នាក់ជាអ្នកបើកម៉ូតូរងរបួសបាក់ជើង ។

ហេតុការណ៍នេះកើតទ្បើងកាលពីវេលាម៉ោង១១និង៣០នាទីយប់ ថ្ងៃទី១ ខែតុលា ឆ្នាំ២០១៧ ត្រង់ចំណុចផ្លូវបែកជាបួន ស្ថិតនៅតាមបណ្តោយផ្លូវ៣១៣ កែងផ្លូវ២៣២ សង្កាត់បឹងព្រលិត ខណ្ឌ៧មករា រាជធានីភ្នំពេញ ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តមួយគ្រឿងម៉ាក ម៉ាកសើដេស ស៊េរីទំនើប ពណ៌ស មួយគ្រឿង ពាក់ស្លាកលេខ ភ្នំពេញ 2AP-6188 បើកបរដោយបុរសម្នាក់ទិសដៅពីត្បូងទៅជើងតាមបណ្តោយផ្លូវ៣១៣ ស្រាប់តែមកដល់ត្រង់ចំណុចផ្លូវបែកជាបួនគេឃើញម៉ូតូមួយគ្រឿងម៉ាកអឹមដេ ពណ៌ខ្មៅ មួយគ្រឿង ពាក់ស្លាកលេខ ភ្នំពេញ 1CE-4267 បើកបរដោយបុរសម្នាក់ ជិះក្នុងល្បឿនលឿនតាមបណ្តោយផ្លូវ២៣២ទិសដៅពីកើតទៅលិច មកបុករថយន្តម៉ាកៗសើដេសចំពីចំហៀងរថយន្តផ្លោងម៉ូតូទៅប៉ះកង់រថយន្តខាងឆ្វេងមួយគ្រឿងទៀតបណ្តាលឲ្យបុរសម្នាក់រងរបួសធ្ងន់ត្រូវបញ្ជូនទៅកាន់មន្ទីពេទ្យចំណែករថយន្តរងការខូចខាតឆ្កូតផ្នែកខាងឆ្វេងនៃរថយន្តនឹងបែកកង់រថយន្តអស់១ ។

ក្រោយពេលកើតហេតុសមត្ថកិច្ចខណ្ឌបានចុះមកធ្វើការវាស់វែងហើយយកម៉ូតូនឹងរថយន្តយកទៅរក្សាទុកនៅអធិការដ្ឋាននគរបានខណ្ឌ៧មករាដើម្បីធ្វើការដោះស្រាយតាមនិតិវិធីនៃច្បាប់៕