ភ្នំពេញ: បុរសម្នាក់ដែលជាប្អូនប្រុសបានលួចរថយន្តបងប្រុសបង្កើតខ្លួនឯងដែលបានទុកនៅផ្ទះពេលដែលគាត់ចេញមកពីក្នុងបន្ទប់វិញមិនឃើញបានមកប្តឹងកងរាជអាវុធហត្ថរាជធានីភ្នំពេញ ដើម្បីតាមរករថយន្តដែលប្អូនប្រុសយកទៅបាត់នោះ។

ហេតុកាណ៍ភ្ញាក់ផ្អើលស្ទើរមួយក្រុងភ្នំពេញរហូតដល់ខេត្តកណ្តាលករណីនេះកើតឡើងកាលពីវេលាម៉ោង៩ និង២៥នាទីព្រឹក ថ្ងៃទី៥ ខែតុលា ឆ្នាំ២០១៧ស្ថិតនៅតាមផ្លូវបេតុងជិតបឹងតាម៉ាត ក្នុងភូមិសំបួរ សង្កាត់ដង្កោ ខណ្ឌដង្កោរាជធានីភ្នំពេញ។

បុរសដែលបានយករថយន្តបងប្រុសខ្លួនបើកដើរលេងបង្កឲ្យមានការភ្ញាក់ផ្អើលនេះមានឈ្មោះ គឹម រត្ន័នា ភេទប្រុស អាយុ៣៨ឆ្នាំ មុខរបរ មិនពិតប្រាកដ ស្នាក់នៅជាមួយបងប្រុសក្នុងបុរីពិភពថ្មី ភូមិសំបួរ សង្កាត់ដង្កោ ខណ្ឌដង្កោ។ ចំណែកបងប្រុសដែលត្រូវប្អូនបង្កើតលួចយករថយន្តទៅបង្កឲ្យភ្ញាក់ផ្អើលមានឈ្មោះ គឹម ហឹង ភេទប្រុស អាយុ៥៦ឆ្នាំ ស្នាក់នៅក្នុងបុរីពិភពថ្មី បានប្រាប់ឲ្យដឹងថា នៅវេលាម៉ោង៧ និង៣៥នាទីព្រឹក ថ្ងៃទី៥ ខែតុលា ឆ្នាំ២០១៧នេះ រូបគាត់បានភ្លេចយកសោរថយន្តទៅតាមខ្លួន ខណ:ដែលប្អូនគាត់បានមកសុំលុយគាត់មិនបានឆ្លៀតពេលនោះប្អូនរបស់គាត់បានយករថយន្តគាត់ចេញទៅបាត់នៅពេលដែលគាត់មិនឃើញរថយន្តបានតេទូរសព្ទទៅប្តឹងសម្ថតកិច្ចកងរាជអាវុធហត្ថរាជធានីភ្នំពេញឲ្យជួយតាមរករថយន្តរបស់គាត់ដែលត្រូវប្អូនគាត់យកទៅបាត់ ម៉ាក Lexus RX 330 ពណ៌ស្ករ ពាក់ស្លាកលេខ ភ្នំពេញ2AK2331 ក្រោយពីបានរាយការណ៍ហើយកម្លាំងអាវុធហត្ថបានប្រាប់គាត់ថាមានរថយន្តខាងលើបានបើកនៅឯខេត្តកណ្តាលពេលនោះគាត់ឲ្យខាងសមត្ថកិច្ចបានដេញតាមឃាត់រថយន្តនោះទៅ។

សមត្ថកិច្ចបានឲ្យដឹងថាដោយមានការដេញតាមរថយន្តខាងលើនោះធ្វើឲ្យបុរសដែលជាអ្នកបើករថយន្តនោះមានភាពភិតភ័យខ្លាចមិនបានឈប់ឲ្យសមត្ថកិច្ចសួរនាំនោះទេហើយក៏បានបើករត់ទាំងទទឹងទិសបុកគេឯងតែមិនបង្កឲ្យធ្ងន់ធ្ងរទេ លុះមកដល់ចំណុចជិតបឹងតាម៉ាតក្នុងសង្កាត់ដង្កោ ខណ្ឌដង្កោ បានទៅបុកជាមួយនិងម៉ូតូកង់បីដែលបានបើកចេញពីកាហ្គាស់សាំងបានដឹកប្រេងម៉ាស៊ូតចំនួន៣កានយកទៅប្រើប្រាស់ចៃដន្យចេញមកត្រូវរថយន្តខាងលើបានមកបុកគាត់បណ្តាលឲ្យធ្លាក់ប្រេងហើយរថយន្តនោះបានបុកនិងកានប្រេងម៉ាស៊ូតបណ្តាលឲ្យឆេះរថយន្តនោះយ៉ាងសន្ធោសន្ធៅក៏បានហៅរថយន្តទឹក១គ្រឿងរបស់សាលាខណ្ឌដង្កោ បាញ់ពន្លត់តែជាសំណាងអាក្រក់រថយន្តខាងលើជួយមិនបានត្រូវឆេះអស់គ្មានសល់ហើយអ្នកបើកបរបានឃាត់ខ្លួនបានភ្លាមៗដែរ។

បច្បុន្នជនសង្ស័យខាងលើកំពុងតែសាកសួរនៅអធិការខណ្ឌដង្កោ ចំណែករថយន្តដែលឆេះនោះបានយកមករក្សារទុកនៅអធិកាខណ្ឌដង្កោនិងប្រគល់ឲ្យម្ចាស់យកទៅជួសជុលវិញ៕