បាត់ដំបង: លោក មាឃ សាមិត្ត អធិការរងស្រុកសង្កែ ទទួលផ្នែកព្រហ្មទណ្ឌ បានប្រាប់Post News ថា នៅវេលាម៉ោង៧ព្រឹក ថ្ងៃទី៦ ខែតុលា ឆ្នាំ២០១៧ បានទទួលបណ្តឹងពីឈ្មោះ ឡៅ លី ភេទប្រុស អាយុ៤២ឆ្នាំ ស្នាក់នៅភូមិបឹងទឹម ឃុំតាប៉ុន ស្រុកសង្កែ បានប្តឹងទៅលើឈ្មោះ បូ សំបាន ភេទប្រុស អាយុ២៣ឆ្នាំ ស្នាក់នៅភូមិឃុំដូចគ្នា បាននាំយកកូនស្រីរបស់គាត់ឈ្មោះ ល.ស.ត អាយុ១៣ឆ្នាំ ចាប់រំលោភសេពសន្ថវបានសម្រេចចំនួន៤ដង កាលពីថ្ងៃទី៥ ខែតុលា ឆ្នាំ២០១៧ វេលាម៉ោង៨ និង៣០នាទីយប់។

ជនសង្ស័យ ត្រូវបានកម្លាំងសមត្ថកិច្ចឃាត់ខ្លួន តាមបញ្ជារបស់លោកព្រះរាជអាជ្ញា នួន សាន និងកំពុងកសាងសំណុំរឿងនិងជនសង្ស័យបញ្ជូនទៅស្នងការដ្ឋាននគរបាលខេត្ត៕