រតនគិរីៈ កាលពីវេលាម៉ោង១១ និង២៥ យប់នាទីថ្ងៃទី៧ ខែតុលា ឆ្នាំ២០១៧
មានករណីអគ្គីភ័យ ឆេះផ្ទះសំណាក់ផុនណាវី ក្នុងភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី ។

អគ្គិភ័យនេះ ត្រូវបានជួយអន្តរាគមន៍ពីរថយន្តពន្លត់ចំនួន៣គ្រឿង របស់ស្នងការដ្ឋាន១គ្រឿង ស្រុកបរកែវ១គ្រឿង និងស្រុកកូនមុំ១គ្រឿង ដោយចំណាយពេលរហូតដល់ម៉ោង២ទាបភ្លឺ ទើបភ្លើងនោះរលត់ទាំងស្រុង។​

តាមសមត្ថកិច្ច បានឲ្យដឹងថា នៅក្នុងហេតុការណ៍នេះ គឺមនុស្សម្នាក់ ដែលជាប់នៅលើជាន់ទី៣ ចុះមិនរួចដោយសារភ្លើងឆេះពីក្រោម ត្រូវបានគេជួយសង្គ្រោះ ដោយសុវត្ថិភាព។ ជុំវិញការខូចខាតសម្ភារៈ និងមូលហេតុនៃការឆេះ គេនៅពុំទាន់ដឹងនោះទេ ដោយសមត្ថកិច្ចកំពុងធ្វើការស្រាវជ្រាវ៕