អ្នកចាំទីប៊ែលហ្ស៊ិក Thibaut Courtois បានបដិសេធ មិនបន្តកុងត្រាថ្មីជាមួយក្រុម តោខៀវ Chelsea ឡើយ ខណៈកុងត្រាកីឡាកររូបនេះ ត្រូវបញ្ចប់នៅឆ្នាំ ២០១៩។

ថ្វីបើ Courtois​ ហាក់ទទួលបានជោគជ័យច្រើន ជាមួយក្រុមតោខៀវ Chelsea នាពេលកន្លងមកក៍ដោយ ក៍ប៉ុន្តែអ្នកចាំទីប៊ែលហ្ស៊ិករូបនេះ ហាក់ដូចជាមិនមានបំ​ណង ចង់បន្តនៅអង់គ្លេសទៀតឡើយ។ ជាក់ស្តែងណាស់ បើតាមការចុះផ្សាយរបស់ Daily Star បានឲ្យដឹងថា Thibaut Courtois នឹងមិនបន្តកុងត្រាថ្មី ដែលក្រុមតោខៀវ Chelsea កំពុងត្រៀមចុះជាមួយកីឡាករ រូបនេះឡើយ។ មូលហេតុដែល Courtois មិនបន្តកុង្រាថ្មីជាមួយ Chelsea នោះដោយសារតែ អ្នកចាំទីរូបនេះ មិនចង់លេងនៅ Premier League ទៀតឡើយ។

បើទោះបីជា Premier League មានការប្រកួតប្រជែងច្រើន និងពោរពេញទៅដោយកីឡាករល្បីៗជាច្រើនក៍ដោយ សម្រាប់ Courtois វិញហាក់មិនចាប់អារម្មណ៍រឿងបញ្ហា​នេះឡើយ។ ប្រភពខាងលើដដែល​ បានបញ្ជាក់ឲ្យដឹងដែរ​ថា ​ទំនងជា Courtois ចង់ត្រឡប់ទៅកាន់អេស្ប៉ាញវិញហើយ តែមិនមែនជាក្លិបចាស់ Atletico Madrid ឡើយ អាចជា Real Madrid ព្រោះថា ក្រុមជើងឯកមួយនេះ ក៍បង្ហាញនូវ​ចេតនាចង់បានកីឡាកររូបនេះដែរ។

ដូច្នេះហើយ មិនយូរទេ Thibaut Courtois នឹងចាកចេញពីក្រុមតោខៀវ Chelsea ទៅកាន់ក្លិបនៅអេស្ប៉ាញ ខណៈ Real Madrid អាចជាគោលដៅសម្រាប់អ្នកចាំទីរូបនេះ។