ភ្នំពេញ: បុរសជាជនបរទេស្នាក់ស្រវឹងស្រាយកកែវបោកចោលហើយយកបំណែកអារកដៃស្តាំខ្លួនឯង បណ្តាលឲ្យរយាស់កដៃហូរឈាមកក្លាក់និងក្រហមច្រាលនៅមុខតូប។
ហេតុការណ៍នេះបានកើតឡើងកាលពីវេលាម៉ោងជាង៨ព្រឹក ថ្ងៃទី១១ ខែតុលា ឆ្នាំ២០១៧ ស្ថិតនៅមុខតូបលេខ១៥២ យីហោទ្រូម៉ាន់នី ក្នុងបរិវេនហ្គោដេនសូរិយាម៉ល តាមបណ្តោយផ្លូវ៥១ សង្កាត់ផ្សាថ្មី៣ ខណ្ឌដូនពេញ រាជធានីភ្នំពេញ។
បុរសខាងលើត្រូវបានគេស្គាល់ថាឈ្មោះREINO អាយុ៥១ឆ្នាំ ជាជនជាតិហ្វាងឡង់ មុខរបរលក់ភេសជ្ជ: ចំណែកស្ត្រីជាប្រពន្ធមិនបានប្រាប់ឈ្មោះនោះទេ។
តាមការរៀបរាប់របស់ស្ត្រីជាប្រពន្ធបានឲ្យដឹងថាដោយគាត់ជាអ្នកកល់ដូរហើយប្តីបាននាំមិត្តភក្តិមកផឹកស្រានៅកន្លែងលក់នោះដោយលក់មិនសូវចំណេញផងគាត់ក៏ស្តីបន្ទោសថានាំគេមកផឹកចឹងលក់អត់ចំណេញទេខណ:នោះបុរសខាងលើក៏ខឹងហើយនាំមិត្តភក្តិទៅផឹកហាងផ្សេងស្រាប់តែព្រឹកឡើងមកដល់តូបវិញក៏យកកែវបោកចោលនិងយកបំណែកកែវមកអារកដៃហូរឈាមកក្លាក់តែម្តង។
មិនត្រឹមតែប៉ុណ្ណឹងក្នុងហេតុការណ៍ខាងលើគេឃើញបុរសខាងលើនេះពេលរថយន្តសង្គ្រោះមកដឹកយកទៅព្យាបាលក៏មិនដើរឡើងរថយន្តក្រោយពេលរថយន្តសង្គ្រោះចេញទៅវិញបាត់គាត់បានដើរមកដេកលើផ្លូវ៥១មួយភ្លែតបណ្តាលឲ្យអ្នកធ្វើដំណើរមិនហ៊ានបើករថយន្តទៅមុខតែក្រោយមកគាត់ក៏ដើរចេញហើយចរាចរណ៍ធម្មតា។
ក្រោយពេលកើតហេតុដោយប្រពន្ធលួងលោមផងក៏ព្រមឲ្យប្រពន្ធជូតឈាមនិងយកស្រាលាងរបួស៕
មតិយោបល់