ព័ត៌មានជាតិ

​បុរសអ្នកបរបាញ់សត្វ ដែលត្រូវកាំភ្លើងរាកៃបាញ់ចំ ពេលនេះស្លាប់ហើយ!

រតនគិរី: លោកអធិការរង ស្រុកអណ្តូងមាស បានប្រាប់Post Newsថា មានករណីផ្ទុះអាវុធកែច្នៃមួយបានកើតឡើង រហូតបណ្តាលឲ្យបុរសម្នាក់ បានស្លាប់បាត់បង់ជីវិត ក្រោយពីបញ្ជូនទៅសង្គ្រោះដល់មន្ទីរពេទ្យ។

ហេតុការណ៍នេះបានកើតឡើងកាលពីវេលាម៉ោង៧យប់ ថ្ងៃទី១១ ខែតុលា ឆ្នាំ២០១៧ ស្ថិតនៅចំណុចភូមិតាំងសេ ឃុំញ៉ាង ស្រុកអណ្តូងមាស ខេត្តរតនគិរី ។

ក្នុងនោះដែរ ហេតុការណ៍នេះគឺកើតឡើង ផ្តើមចេញពីបុរសជាជនរងគ្រោះរូបនេះ បានប្រើកាំភ្លើងកែច្នៃ ខាងលើ ដើរបរបាញ់សត្វក្នុងព្រៃ ដែលមានចម្ងាយប្រហែល៥០ម៉ែត្រពីផ្ទះ ខណ:នោះទំនងជាធ្លាក់កាំភ្លើងក៏បណ្តាលឲ្យរាកៃបាញ់ចំជនរងគ្រោះ ត្រង់ក្លៀកធ្លាយទៅខ្នង បណ្តាលឲ្យស្លាប់ក្រោយបញ្ជូនដល់មន្ទីរពេទ្យតែម្តង៕

មតិយោបល់