ផ្ទះ ព័ត៌មានជាតិ មន្ត្រីសាខា ក...

មន្ត្រីសាខា ក.ប.ប. ខេត្តតាកែវ បានបន្តចុះផ្សព្វផ្សាយ និងបិទខិត្តប័ណ្ណផ្សព្វផ្សាយ (Flyer) ចំនួន២០ទីតាំង នៅតាមស្ថានីយ/ដេប៉ូ ប្រេងឥន្ធនៈ ក្នុងស្រុកព្រៃកប្បាស

0
                                                                                                                                     <strong>តាកែវ:</strong> យោងតាមផេក អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ បានឲ្យដឹងថា នៅថ្ងៃពុធ ១៤រោច  ខែជេស្ឋ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៩ ខែមិថុនា ឆ្នាំ២០២១ មន្ត្រីសាខា ក.ប.ប. ខេត្តតាកែវ បានបន្តចុះផ្សព្វផ្សាយ និងបិទខិត្តប័ណ្ណផ្សព្វផ្សាយ (Flyer) លើខ្លឹមសារ "ការស្វែងយល់អំពីអំពើមិនសុចរិតក្នុងធុរកិច្ចពាក់ព័ន្ធនឹងប្រេងឥន្ធន:" នៅតាមស្ថានីយ/ដេប៉ូ ប្រេងឥន្ធន: ក្នុងស្រុកព្រៃកប្បាស ខេត្តតាកែវ ។ 

ការចុះផ្សព្វផ្សាយនេះ ក្នុងគោលបំណងបញ្ជ្រាបការយល់ដឹងអំពី បទដ្ឋានគតិយុត្តិ ដែលតម្រូវឱ្យម្ចាស់ស្ថានីយ/ដេប៉ូ ប្រេងឥន្ធន:ទាំងអស់ប្រកបមុខរបរ ដោយការប្រកួតប្រជែងប្រកបដោយសុចរិតភាព និងតម្លាភាព ក៏ដូចជាការការពារផលប្រយោជន៍អ្នកប្រើប្រាស់ ។

ក្នុងយុទ្ធនាការនេះមន្ត្រីជំនាញ បានផ្សព្វផ្សាយ និងបិទខិត្តប័ណ្ណផ្សព្វផ្សាយ (Flyer) បានចំនួន ២០ទីតាំង ស្ថានីយ/ដេប៉ូ ព្រមទាំងបានពន្យល់ពីរបៀប Scan QR Code ដែលមាននៅលើខិតប័ណ្ណ ដើម្បីទាញយកឯកសារច្បាប់ និងបទប្បញ្ញត្តិពាក់ព័ន្ធផ្សេងៗ និងការទទួលខុសត្រូវចំពោះមុខច្បាប់ ក្នុងករណីដែលម្ចាស់ស្ថានីយ/ដេប៉ូ បានប្រព្រឹត្តផ្ទុយ ឬបានប្រព្រឹត្តអំពើមិនសុចរិតចំពោះការធ្វើធុរកិច្ច ដែលពាក់ព័ន្ធនឹងតម្លៃ គុណភាព និងបរិមាណ របស់ប្រេងឥន្ធន: ៕

មតិយោបល់