ភ្នំពេញៈ នារីម្នាក់ទើបចេញពីធ្វើការរោងចក្រ ត្រូវបានជនសង្ស័យម្នាក់ទើបធ្វើសកម្មភាពចាប់ចងរំលោភសេពសន្ថវៈ ថែមទាំងប្រើអំពើហិង្សាមកលើប្រដាប់ភេទនាងទៀត ធ្វើឲ្យនាងភ័យរត់ចេញឲ្យគេជួយ។ ហេតុការណ៍នេះបង្កឲ្យមានការភ្ញាក់ផ្អើលកាលវេលាម៉ោង៥និង១០នាទីល្ងាច ថ្ងៃទី១៩ ខែតុលា ឆ្នាំ២០១៧ ស្ថិតនៅផ្ទះជួល ភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះឈ្មោះ ជ.ស.រ ភេទស្រី អាយុ២២ឆ្នាំ មុខរបរកម្មករោងចក្រ ស្នាក់នៅភូមទួលពង្រ សង្កាត់ចោមចៅ ខណ្ឌសែនជ័យមានស្រុកកំណើតនៅភូមិគេនទៀក ឃុំសាក្រាម ស្រុកប្រាសាទបាឡាំង ខេត្តកំពង់ធំ។ ចំណែកឯជនសង្ស័យឈ្មោះ គុយ សុគុណ ភេទប្រុស អាយុ២៤ឆ្នាំ មុខរបលើកអីវ៉ាន់ ស្នាក់នៅមិនពិតប្រាកដ មានស្រុកកំណើតជាមួយជនរងគ្រោះ។
តាមសម្តីរបស់នារីរងគ្រោះបានរៀបរាប់ប្រាប់ថា បន្ទប់ជួលគាត់មានគ្នា៥នាក់សុទ្ធតែស្រីៗហើយនៅស្រុកជាមួយគ្នា ផ្ទះជាមួយគ្នា ធ្វើការជាមួយគ្នាទៀត។ ចំណែកឯជនសង្ស័យខាងលើមានស្រុកកំណើតជាមួយគ្នាដែលតែនៅផ្ទះឆ្ងាយពីគ្នា ហើយមិនសូវរាក់ទាក់ជាមួយគ្នាឡើយ។ លុះមុនពេលកើតហេតុ រូបនាងទើបចេញមកពីរោងចក្រដោយមិនបានថែមម៉ោង រីឯមិត្តភក្តនឹងអ្នកនៅបន្ទប់ជាមួយគ្នានៅថែមម៉ោង ប៉ុន្តែនាងចេញមុនតែឯង ហើយឈាងទៅទិញម្ហូប រួចមកដល់បន្ទប់ជួលវិញ។ បន្ទាប់មកនាងចាក់សោចូលទៅបើកភ្លើង ដោយមិនបានបិទទ្វាស្រាប់តែជនសង្ស័យខាងលើបានចូលមកពីក្រោយហើយបិទទ្វាចាក់គន្លឹះស្ទុះទៅបើកទ្វា តែជនសង្ស័យនៅជិតទ្វា។ ភ្លាមៗនោះជនបង្កបានចាប់ច្របាច់ក ហើយខ្ទប់មាត់ មិនឲ្យស្រែក រួចវាយទៅនារីរងគ្រោះ៤ទៅ៥ដៃ បណ្តាលឲ្យនាងភ័យលែងស្រែក។ ពេលនោះជនសង្ស័យខាងលើបានយកក្រម៉ាចងដៃទៅក្រោយ រួចធ្វើសកម្មភាពចាប់រំលោភសេពសន្ថវៈនាងថែមទាំងប្រើហិង្សាមកលើនាងទៀតផង រួចជនសង្ស័យក៏ចូលបន្ទប់ទឹក ឃើញឱកាសនោះជនរងគ្រោះបានស្ទុះរត់ទៅស្រែកឲ្យគេជួយតែម្តង។
ក្រោយពេលកើតហេតុ នារីរងគ្រោះមិត្តភក្តដែលនៅបន្ទប់ជាមួយគ្នា បាននាំគ្នាមកដាក់ពាក់បណ្តឹង នៅប៉ុស្តិ៍នគរបាលរដ្ឋបាលចោមចៅ លុះព្រឹកថ្ងៃទី ២០ ខែតុលា ឆ្នាំ ២០១៧ កម្លាំងសមត្ថកិច្ចប៉ុស្តិ៍ចោមចៅដែលដឹកនាំ ដោយ លោកមេប៉ុស្តិ៍ផ្ទាល់ ព្រមទាំងសហការជាមួយកម្លាំងព្រហ្មទណ្ឌខណ្ឌចុះទៅចាប់ឃាត់ខ្លួនបានភ្លាមៗផងដែរ នៅវេលាម៉ោង ១០ព្រឹក ថ្ងៃទី២០ ខែតុលា ឆ្នាំ២០១៧ នៅចំណុចកន្លែងធ្វើការដែលស្ថិតនៅក្បែរសាលា ព្រះអង្គអេងដែលស្ថិតនៅ សង្កាត់ ទួលស្វាយព្រៃ ខណ្ឌចំការមន រាជធានី ភ្នំពេញ ក្រោយពីធ្វើការឃាត់ខ្លួនបាសមត្ថកិច្ចនាំយកមកសាកសួរនៅប៉ុស្តិ៍រដ្ឋបាល ចោមចៅដើម្បីចាត់ការតាមវិធានការច្បាប់៕
https://youtu.be/NK6Y7HBcQrs
មតិយោបល់