ភ្នំពេញៈ តាមសេចក្តីរាយការណ៍បានឲ្យដឹងថា មានករណីគ្រោះថ្នាក់ចរាចរណ៍មួយរវាងរថយន្តម៉ាក RANGE ROVER មួយគ្រឿង ពណ៌សឆ្នូតក្រហម ពាក់ស្លាកលេខ ភ្នំពេញ 2AH-3879 បើកបរមិនប្រយត្ន័បានជ្រុលទៅបុកគូថរថយន្តម៉ាក វីស្តូ ពណ៌លឿង ស្លាកលេខ ភ្នំពេញ 2S-6034 ចំពីក្រោយដែលកំពុងឈប់ប្រុងឆ្លងផ្លូវពេញទំហឹង បណ្តាលឲ្យមនុស្ស៤នាក់របួស។ចំណែករថយន្តវីស្តូ ខូចខាតយ៉ាងដំណំ។

ហេតុការណ៍នេះបានកើតឡើងកាលពីយប់ថ្ងៃទី២២ ខែតុលា ឆ្នាំ២០១៧ ស្ថិតនៅចំណុចផ្លូវ៥៩៨ ទល់មុខភូមិគ្រឹះឯកឧត្តមជាសុផារ៉ា ក្នុងសង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។

ក្រោយកើតហេតុ ដោយមិនចង់មានរឿងវែងឆ្ងាយទើបភាគីខាងRANGE ROVER យល់ព្រមសងសំណងទៅឲ្យខាងរថយន្តវីស្តូចំនួន៧០០ដុល្លារ ដើម្បីបញ្ចប់រឿងតែម្តង៕