ភ្នំពេញៈ រថយន្តម៉ាកកូរ៉ូឡាមួយគ្រឿង បានបុកជាមួយម៉ូតូម៉ាកឌ្រីម បណ្តាលឲ្យខូចខាតទាំងសងខាង ជជែកគ្នាតឹងករាងៗខ្លួន ចុងក្រោយបញ្ចប់ត្រឹមសំណង១៥ដុល្លារ។

ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១១និង៥០នាទីថ្ងៃត្រង់ទី២៣ ខែតុលា ឆ្នាំ២០១៧ ស្ថិតតាមផ្លូវ២២១ កែងផ្លូវ១១៨ ក្នុងសង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ។

ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញរថយន្តមួយគ្រឿងម៉ាកកូរ៉ូឡា ពណ៌ស ពាក់ស្លាកលេខ ភ្នំពេញ 2I-2716 បើកក្នុងល្បឿនមធ្យមតាមបណ្តោយផ្លូវ២២១ ទិសដៅពីជើងទៅត្បូងលុះមកដល់កន្លែងកើតហេតុវាក់អឺម៉ូតូបុកខាងស្តាំម៉ូតូមួយគ្រឿងម៉ាកឌ្រីមសេ១២៥ ស៊េរីឆ្នាំ២០១៥ ពណ៌ខ្មៅ ពាក់ស្លាកលេខ ភ្នំពេញ 1CZ-0748 បើកតាមបណ្តោយផ្លូវ១១៨ ទិសដៅពីកើតទៅលិចក្នុងល្បឿនមធ្យមដោយដៃម្ខាងជាប់និយាយទូរសព្ទផងបណ្តាលឲ្យដួលបាក់ក្បាំងម៉ូតូខាងស្តាំ។ ចំណែករថយន្តរងការខូចខាតកាងមុខផ្នែកខាងឆ្វេង។

ក្រោយពេលកើតហេតុភាគីទាំងសងខាងជជែកយ៉ាងតឹងសសៃកមួយសន្ទុះធំតែចុងបញ្ចប់ដោយមានការដឹងឮពីសមត្ថកិច្ចមូលដ្ឋានផងដែរម្ចាស់រថយន្តសុខចិត្តសងថ្លៃជួសជុលម៉ូតូចំនួន១៥ដុល្លារបញ្ចប់រឿងតែម្តង៕

https://youtu.be/VWSbJGOPX3Y