ប៉ៃលិន: នៅវេលាម៉ោង១០ និង១០នាទីយប់ ថ្ងៃទី២៥ ខែតុលា ឆ្នាំ២០១៧ ដោយក្រោមការដឹកនាំ និងចង្អុលបង្ហាញផ្ទាល់ពីលោកឧត្ដមសេនីយ៍ត្រី ជា ចាន់ឌិន ស្នងការនគរបាលខេត្តប៉ៃលិន លោកវរសេនីយ៍ឯក អ៊ីវ គឹមស៊ាន ស្នងការរងទទួលផែននគរបាលព្រហ្មទណ្ឌ បានចាត់ឲ្យលោកអនុសេនីយ៍ឯក កន សារុន ដឹកនាំកម្លាំងចុះបង្រ្កាបក្រុមក្មេងទំនើងបង្ហោះម៉ូតូ និងដេញកាប់គ្នាតាមដងផ្លូវ នៅត្រង់ចំណុចមុខសាលារៀនចនសាន់ ស្ថិតក្នុងភូមិបរឌិននៀវ សង្កាត់ប៉ៃលិន ក្រុងប៉ៃលិន ខេត្ដប៉ៃលិន ដោយឃាត់ខ្លួនជនសង្ស័យបានចំនួន៥នាក់ ដែលមានឈ្មោះដូចខាងក្រោម៖
១-ស៊ុន សុខលាង ភេទប្រុស អាយុ ១៦ឆ្នាំ ជនជាតិខ្មែរ រស់នៅភូមិអូបេង សង្កាត់ទួលល្វា ក្រុងប៉ៃលិន ខេត្ដប៉ៃលិន មុខរបរសិស្ស
២- នោ សាមៀន ហៅ អាង៉ោល ភេទប្រុស អាយុ ២៤ឆ្នាំ ជនជាតិខ្មែរ រស់នៅភូមិអង្គកែវ ខ័ណ្ណពោធិន៍សែនជ័យ រាជធានីភ្នំពេញ មុខរបរកម្មករ
៣- អេត សំអាង ហៅ អាកោប ភេទប្រុស អាយុ ១៤ឆ្នាំ ជនជាតិខ្មែរ រស់នៅភូមិចម្ការកាហ្វេ សង្កាត់ទួលល្វា ក្រុងប៉ៃលិន ខេត្ដប៉ៃលិន មុខរបរកម្មករ
៤- នុន សំណាង ហៅ អាណាក់ ភេទប្រុស អាយុ ២០ឆ្នាំ ជនជាតិខ្មែរ រស់នៅភូមិវត្ដ សង្កាត់ប៉ៃលិន ក្រុងប៉ៃលិន ខេត្ដ ប៉ៃលិន មុខរបរគ្មាន
៥- ថេង ភី ហៅ អាជាតិ ភេទប្រុស ២៣ឆ្នាំ ជនជាតិខ្មែរ រស់នៅភូមិចម្ការកាហ្វេ សង្កាត់ទួលល្វា ក្រុងប៉ៃលិន ខេត្ដ ប៉ៃលិន មុខរបរជាងដែក ។

បច្ចុប្បន្ន សមត្ថកិច្ចជំនាញកំពុងធ្វើការអប់រំ ណែនាំ និងចាត់ការទៅតាមនិតិវិធីប្បាប់៕