ភ្នំពេញៈ ពិតជាមហាសំណាងណាស់គ្រោះថ្នាក់ចរាចរណ៍រវាងម៉ូតូនិងរថយន្តម៉ូតូក៏ខ្ទេចរថយន្តក៏ខ្ទេចចំណែកអ្នកជិះម៉ូតូរងរបួសហើយត្រូវបានដឹកទៅពិនិត្យនិងព្យាបាលនៅមន្ទីរពេទ្យមិនដល់ថ្នាក់បាត់បង់ជីវិតនោះទេ។

ហេតុការគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៣ និង៣០នាទីរសៀល ថ្ងៃទី៣១ ខែតុលា ឆ្នាំ២០១៧ ស្ថិតតាមបណ្តោយ១៩ ក្នុងសង្កាត់វត្តភ្នំ ខណ្ឌដូនពេញ។

ប្រភពព័ត៌មានពីកន្លែងកើតហេតុបានឲ្យដឹងថានៅ មុនពេលកើតហេតុមានរថយន្តគ្រឿងម៉ាកCOROLLA ពណ៌ទឹកប្រាក់ ពាក់ស្លាកលេខ ភ្នំពេញ2U 6143បើកស្របទិសគ្នាពីត្បូងទៅជើងជាមួយម៉ូតូឌ្រីមស៊េរីចាស់ បើកពីមុខតែមិនដឹងល្បឿងប៉ុន្មាននោះទេលុះមកដល់ចំណុចកើតហេតុស្រាប់តែលឺប្រាវគាត់មើលឃើញមនុស្សខ្ទាតចេញពីម៉ូតូចំណែករថយន្តខូចខាតកំណាត់មុខយ៉ាងដំណំរីឯម៉ូតូខ្ទេចកំណាត់ក្រោយនិងបែកកង់ក្រោយព្រមទាំខូចខាតខាងមុខផងដែរ។

ខណៈនោះអ្នកបើករថយន្តបានចាកចេញពីកន្លែងកើតហេតុបាត់ហើយប្រជាពលរដ្ឋក៏មកចោមរោមមើលកុះករផងដែរ។
ក្រោយពេលកើតហេតុ សមត្ថកិច្ចមូលដ្ឋាននិងជំនាញបានទៅដល់កន្លែងកើតហេតុបានឲ្យដឹកជនរងគ្រោះទៅព្យាបាលនិងពិនិត្យនៅមន្ទីរពេទ្យព្រមទាំងធ្វើការវែងយករថយន្តនិងម៉ូតូទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីដោះស្រាយពេលក្រោយ៕

​