ភ្នំពេញៈ យោងតាមផេករបស់ការិយាល័យតាមបណ្តាញបានឲ្យដឹងថា នៅថ្ងៃទី ២១ ខែ មេសា
ឆ្នាំ២០២០ វេលាម៉ោង១១ និង ៤០ នាទីចំណុច ក្នុងភូមិទួលក្របៅ ឃុំគគីរ ស្រុកកៀនស្វាយ ខេត្តកណ្ដាល។ ជនសង្ស័យមានគ្នាចំនួន ០៣ នាក់ ស្រី ០១នាក់
១/ ឈ្មោះ នួន តុលា ភេទប្រុស អាយុ ២៨ ឆ្នាំ (ខ្មែរ) មុខរបរមិនពិតប្រាកដ មានទីលំនៅ ភូមិ យកបាត្រ សង្កាត់ក្បាលកោះ ខ័ណ្ឌច្បារអំពៅ ក្រុងភ្នំពេញ (ឃាត់ខ្លួន)
២/ ឈ្មោះ អ៊ុ សុវណ្ណារ៉ា ភេទប្រុស អាយុ ២៤ឆ្នាំ (ខ្មែរ) មុខរបរមិនពិតប្រាកដ មានទីលំនៅ ភូមិទួលក្របៅ ឃុំគគីរ ស្រុកកៀនស្វាយ ខេត្តកណ្តាល (ឃាត់ខ្លួន)
៣/ ឈ្មោះ លាវ សុីវម៉េង ភេទស្រី អាយុ ២១ឆ្នាំ (ខ្មែរ) មុខរបរមិនពិតប្រាកដ មានទីលំនៅ ភូមិទួលក្របៅ ឃុំគគីរ ស្រុកកៀនស្វាយ ខេត្តកណ្តាល (មុខសញ្ញាទើបចេញពីពន្ធធានាគារ)( ឃាត់ខ្លួន)
វត្ថុតាងចាប់យករួមមាន:
១/ ទូរសព្ទ័ដៃចំនួន ០៤គ្រឿង
២/ កាបូបស្ពាយពណ៌ខ្មៅ ចំនួន០១
៣/ ម៉ូតូចំនួន ០១ គ្រឿង ម៉ាកហុងដា វ៉េវ RSX 110 ពណ៌ខ្មៅ ស្លាកលេខ កណ្តាល 1X.2526
៤/ សំភារៈវេចខ្ចប់នឹងប្រើប្រាស់មួយចំនួន
នៅវេលាម៉ោងខាងលើ កំលាំងប៉ុស្ដិ៍នគរបាលរដ្ឋបាលគគីរ ល្បាតមកដល់ចំនុចផ្ទះមួយខ្នងទុកចោល(ម្ចាស់នៅភ្នំពេញ) ស្ថិតនៅក្នុងភូមិ ឃុំ កើតហេតុ ពេលនោះជនសង្ស័យឃើញកំលាំងសមត្ថកិច្ចឈប់ម៉ូតូនៅមុខផ្ទះភ្លាមនោះជនសង្ស័យក៏បានរត់ចេញពីក្រោមផ្ទះ រួចកំលាំងសមត្ថកិច្ចបានដេញតាមឃាត់ខ្លួន បានជនសង្ស័យចំនួន០៣នាក់ខាងលើ ហើយសួរនាំនឹងធ្វើការឆែកឆេរក្រោមផ្ទះទុកចោលនោះ រកឃើញសម្ភារៈវេចខ្ចប់នឹងប្រើប្រាស់ថ្នាំញៀនមួយចំនួន តែរកមិនឃើញថ្នាំញៀនទេ ភ្លាមនោះកំលាំងសមត្ថកិច្ចក៏ បាននាំខ្លួនជនសង្ស័យខាងលើ រួមនឹងវត្ថុតាង យកមកប៉ុស្តិ៍នគរបាលរដ្ឋបាលគគីរដើម្បីសួរនាំ ។
នៅចំពោះមុខសមត្ថកិច្ចជនសង្ស័យបានឆ្លើយសារភាពថា ពួកខ្លួនធ្លាប់បានចូលលុយគ្នាទិញថ្នាំញៀនជាច្រើនលើកមកហើយដោយទិញម្ដងៗមួយកញ្ចប់តម្លៃ១៥០០០០៛ទៅ២០០០០០៛(ដប់ប្រាំម៉ឺនទៅម្ភៃម៉ឺនរៀល)ដើម្បីយកមកវេចខ្ចប់ជាកញ្ចប់តូចៗលក់បន្ត។ហើយទិញពីមនុស្សប្រុសម្នាក់មិនស្គាល់ឈ្មោះនៅម្ដុំបឹងត្របែកភ្នំពេញ។
ក្រោយពីសួរនាំចប់កម្លាំងសមត្តកិច្ចក៏បានបញ្ជូនសង្ស័យ ទាំងបីនាក់រួមទាំងវត្ថុតាងមកកាន់អធិការដ្ឋាននគរបាលស្រុកកៀនស្វាយដើម្បីចាត់ការតាមនីតិវិធី ៕